Fréttir

KA dró sig útúr Akureyri Handboltafélagi á dögunum og í gær (1. júní) fór fram fyrsta æfing meistaraflokks KA. Stefán Árnason er þjálfari strákanna og stjórnaði æfingunni eins og herforingi en Stefán er nýkominn aftur til landsins eftir vel heppnaðan handboltaskóla í Barcelona

Jónatan Magnússon skrifaði í dag undir nýjan tveggja ára samning sem þjálfari meistaraflokks KA/Þórs í kvennahandboltanum. Jonni þjálfaði liðið á nýliðnu tímabili þar sem liðið fór í úrslit umspilsins um laust sæti í efstu deild en tapaði þar gegn Selfossi

Lokahóf yngri flokka í handbolta var haldið í KA-Heimilinu þann 18. maí síðastliðinn. Eins og alltaf var mikið líf og fjör á svæðinu enda margir skemmtilegir leikir í gangi, pizzuveisla sem verðlaunaafhendingu fyrir þá sem þóttu skara framúr í vetur

Við minnum á að skráning í sumaræfingarnar hjá okkur í handboltanum er í fullu gangi og hefur gengið mjög vel. En í sumar ætlar KA að bjóða upp á æfingar í handbolta en um er að ræða 5 vikna tímabil frá 29. maí til 30. júní. Þetta er í boði fyrir krakka fædda frá 1998-2005

Þeir Sigurður Sveinn Jónsson, Kristján Garðarson, Elvar Reykjalín Helgason og Óli Birgir Birgisson skrifuðu í dag undir samning við KA um að leika með liðinu á næstu leiktíð.

Andri Snær Stefánsson, fyrirliði Akureyri Handboltafélags, hefur ákveðið að snúa aftur heim og taka slaginn með KA í 1. deildinni næsta vetur.

Sigþór Gunnar Jónsson skrifaði í dag undir samning við KA og mun því vera með liðinu í átökunum í 1. deildinni næsta vetur. Þetta eru frábær tíðindi enda Sissi einn af okkar efnilegustu leikmönnum.

Bjarki Símonarson, markvörður Hamranna í 1. deildinni í fyrra, hefur komist að samkomulagi við KA um það að leika með liðinu.

Þeir Dagur Gautason, Jónatan Marteinn Jónsson, Ásgeir Kristjánsson og Jón Heiðar Sigurðsson skrifuðu í dag undir sína fyrstu samninga við KA. Þetta eru gríðarlega efnilegir leikmenn og eru allir í þriðja flokki.