Fréttir

Mikið hefur verið um að vera hjá Hópfimleikadeild félagsins. FIMAK sendi frá sér lið á Haustmót 1 helgina 18.nóv þar sem 4.flokkur kvenna kepptu í hófimleikum, þær gerðu gott mót og stóðu sig frábærlega vel. Einnig átti FIMAK 3 lið um sl.helgi á Haustmóti 2 sem haldið var á Selfossi þar sem 3.flokkur og 2.flokkur kepptu í Hópfimleikum. Allar stóðu þær sig frábærleg, miklar framfarir og bætingar hjá liðunum sem enduðu í 6.sæti,12.sæti og 16.sæti. Við erum ákaflega stolt af iðkendum okkar og þjálfurum sem hafa unnið vel í haust og verður gaman að fylgjast með þessum hópum á mótunum eftir áramót!

Aðalfundur Fimleikafélags Akureyrar fer fram fimmtudaginn 30. nóv. kl. 20:30 í anndyri Íþróttamiðstöðvar Giljaskóla. Við hvetjum foreldra, þjálfara og aðra sem láta málefni félagsins sig varða til þess að mæta á fundinn. Efni fundarins: Sameining við KA og slit á Fimak.

Fimmtudaginn 16.nóvember munu keppnishópar í hóphópfimleikum, stökkfimi og M -hópur, sýna stökk, dans og ýmiskonar æfingar.

Fimak komið á almennaheillaskrá - skattafrádráttur. Skráning kemur fram á yfirliti á vef Skattsins

Í morgun mættu um 150 frískir krakkar/kríli í fimleikaskóla FIMAK og leyfðu foreldrum sínum að horfa á og jafnvel prófa hinar ýmsu æfingar.

Vel heppnuðu Þrepamóti 1 (4. og 5.þrep) lauk í dag. 186 flottir fimleikakrakkar tóku þátt og stóðu sig frábærlega.

Helgina 4. - 5. nóvember fer fram þrepamót í áhaldafimleikum í sal Fimleikafélags Akureyrar við Giljaskóla.

FIMAK styður Kvennaverkfall 24.október 2023. Kvennþjálfarar FIMAK hafa leyfi stjórnar til að fella niður æfingar á morgun.

1.- og 2.flokkur í hópfimleikum tóku bleika æfingu í tilefni bleika dagsins og hentu auðvitað í bleiku slaufuna??

FIMAK átti 4 keppendur á haustmóti FSÍ um helgina sem fram fór í Gerplu. Þeir stóðu sig allir frábærlega vel og erum við stolt af strákunum. Sólon Sverrisson (unglingaflokkur) keppti í fjölþraut og tók þar 2.sæti. Hann hlaut brons á gólfi, gull í hringum og gull í stökki. Patrekur Páll Pétursson (3.þrep) keppti í fjölþraut og tók þar 2.sæti. Hann hlaut silfur á gólfi, brons á boghesti, gull í hringum og gull á svifrá. Jóel Orri Jóhannesson (3.þrep) fékk silfur í stökki. Mikael Máni Jensson (3.þrep) fékk gull átvíslá. Stórglæislegt hjá þeim og óskum við þeim innilega til hamingju með þessa frábæru frammistöðu, áfram FIMAK!