Fréttir

Einn leikur verður hjá 3fl karla í KA heimilinu á laugardaginn kl  14:30 á móti HK og minni svo á leik meistaraflokks kvenna, KA/Þór á móti Gróttu í KA heimilinu sama dag kl 16:00

Meistaraflokkur KA/Þór leikur sinn síðasta leik í 2. deildinni á laugardaginn klukkan 16:00. Andstæðingurinn er Grótta en KA/Þór stelpurnar þurfa stig úr leiknum og myndu þar með tryggja sér sigur í deildinni. Ef það gengur eftir fá þær bikarinn afhentan í leikslok. Staðan í deildinni er þannig í dag að KA/Þór er efst með 29 stig, Víkingur í 2. sæti með 28 stig og Grótta í 3. sæti með 21 stig, en öll liðin eru búin með 17 leiki af 18. Við hvetjum alla til að koma í KA-heimilið og styðja stelpurnar í þeirri baráttu.

Það gera sér væntanlega allir grein fyrir mikilvægi leiks Akureyrar og Aftureldingar á fimmtudaginn. Bæði liðin eru í hópi þeirra liða sem geta fallið úr deildinni en auk þeirra eru Valur og HK í þeim hópi. Það er því til mikils að vinna fyrir bæði lið. Sigur í leiknum myndi gulltryggja Akureyri sæti í deildinni og þar með myndu Afturelding og Valur lenda í tveim neðstu sætum deildarinnar, annað liðið falla beint en hitt fara í umspil ásamt liðunum í 2. – 4. sæti fyrstu deildarinnar.

KA/Þór í 4. flokk kvenna á yngra ári tryggði sér deildarmeistaratitilinn í annari deild um helgina.

Aðeins einn heimaleikur verður um helgina en 6 útileikir

Þeir sem hyggjast nýta sér frábært tilboð SBA á sætaferðum þurfa að drífa sig að bóka sæti, helst fyrir klukkan 16:30 í dag þannig að tryggt sé að ferðirnar verði farnar. Verðið er mjög hagstætt eða einungis 5.000 krónur fram og til baka. Hægt er að bóka sæti í ferðina hér neðar á síðunni.

Við höldum áfram að koma okkur í stemmingu fyrir helgina og rifjum upp bikarævintýri Akureyringa. Að þessu sinni skoðar heimasíða Akureyrar Handboltafélags umfjöllun um einhvern magnaðasta úrslitaleik sem fram hefur farið á Íslandi og jafnvel þó víðar væri leitað. Þetta var úrslitaleikur bikarsins árið 1995 þar sem KA sigraði Val með einu marki, 27-26 í tvíframlengdum leik fyrir framan troðfulla Laugardalshöll.

Það er ekki á hverjum degi sem Akureyringar eiga lið sem berjast um stóru titlana. Á heimasíðu Akureyrar Handboltafélags er hægt að skoða upprifjun frá bikarúrslitunum 2004. Þá léku KA og Fram til úrslita í bikarkeppninni, sem þá hét SS-Bikarinn. Þeir fjölmörgu Akureyringar sem voru í Laugadalshöllinni muna klárlega eftir magnaðri stemmingunni í stúkunni fyrir leik að maður tali nú ekki um meðan á leiknum stóð. Ekki spillti gleðinni að bikarinn kom hingað norður eftir afgerandi sigur KA liðsins 31-23.

Það styttist óðum í bikarúrslitahelgina og rétt að stuðningsmenn fari að hyggja að miðakaupum. Félögin sem eiga lið í úrslitakeppninni fá ákveðinn fjölda miða til að selja á sína leiki og eru það í rauninni einu tekjur þeirra af miðasölunni. Við hvetjum því stuðningsmenn Akureyrar Handboltafélags til að kaupa miðana á sölustöðum félagsins. Forsala er í gangi nú þegar á leik Akureyrar og Stjörnunnar hjá BK-Kjúklingur á Grensásvegi í Reykjavík og veitingastaðnum Bryggjan, Skipagötu 12 á Akureyri.

Tveir heimaleikir verða í KA heimilinu og þeir eru