Fréttir

KA og ÍBV mættust í dag í lokaumferð Pepsi-deildarinnar í Vestmannaeyjum. Heimamenn í ÍBV fóru með 3-0 sigur af hólmi.

Þór/KA varð Íslandsmeistari í knattspyrnu sumarið 2017 en liðið kom mörgum á óvart en liðinu hafði verið spáð 4. sætinu fyrir mót. Þrátt fyrir það var liðið á toppi deildarinnar frá fyrsta leik og átti Íslandsmeistaratitilinn svo sannarlega skilinn

Kvennalið Þórs/KA tryggði sér í dag Íslandsmeistaratitilinn eftir 2-0 sigur á FH á Þórsvelli fyrir framan stóran fjölda áhorfenda. Sigurinn var torsóttur en stelpurnar sýndu gríðarlegan karakter að halda áfram til enda og tryggja titilinn

Ásgeir Sigurgeirsson leikmaður KA hefur verið valinn í U21 landslið Íslands sem mætir Slóvakíu og Albaníu ytra í byrjun október.

Kvennalið Þórs/KA leikur lokaleik sinn í Pepsi deildinni á fimmtudaginn þegar FH kemur í heimsókn. Það er hreinlega allt undir í leiknum en með sigri tryggja stelpurnar sér sjálfan Íslandsmeistaratitilinn. Leikurinn hefst klukkan 16:15 á Þórsvelli og viljum við sjá fulla stúku enda eiga stelpurnar það svo sannarlega skilið eftir frábært sumar

KA og Grindavík mættust í dag í 21. umferð Pepsi-deildarinnar á Akureyrarvelli. KA hafði betur 2-1 í hörkuleik.

Á morgun, sunnudag, tekur KA á móti Grindavík í Pepsi-deild karla. Leikurinn hefst kl. 14:00 á Akureyrarvelli. Þetta er síðasti heimaleikur KA í sumar í Pepis-deildinni en með sigri er ljóst að KA mun enda í efri hluta deildarinnar. Nú er síðasta tækifærið fyrir iðkendur KA að mæta á völlinn og berja stjörnurnar sínar augum. Sýnum strákunum stuðning í verki og mætum. Eins og vanalega verða seldir hamborgarar á vægu verði fyrir leik og þá munu Schiöthararnir vera með hoppukastala og léttar veitingar við Njálsbúð. Völlurinn opnar 13:00 en leikurinn hefst 14:00. Aðgangseyrir er 2000kr en frítt er fyrir alla iðkendur KA! Stöndum saman, klárum verkefnið - áfram KA!

Þór/KA sótti Grindavík heim í næst síðustu umferð Pepsi deildar kvenna í fótboltanum. Fyrir leikinn var ljóst að með sigri myndi liðið tryggja sér sjálfan Íslandsmeistaratitilinn en Grindavíkurliðið hefur átt flotta leiki að undanförnu og var því ljóst að sigur í leiknum yrði sko ekki gefinn

KA og Þór mættust í dag í lokaumferð 2.flokks karla í B-deild. Leikurinn fór fram á Þórsvelli að viðstöddum fjölda manns. KA vann leikinn 2-5 í fjörugum leik.

KA og KR gerðu í dag markalaust jafntefli í Vesturbænum í 20. umferð Pepsi-deildarinnar.