Fréttir

Kvennalið KA heimsótti Völsung á fimmtudaginn var í 2. deild kvenna norðurriðli. Skemmst er frá því að segja að KA liðið átti frábæran leik gegn sterku liði Völsunga og vann leikinn 2-1. (32-30,21-25,10-15).

KA og Þróttur spiluðu aftur í dag og voru KA menn mun betri en í gærkvöldi. Þrátt fyrir það vann Þróttur á ný, í þetta skiptið 1-3. Allt annað var að sjá til KA-manna í þessum leik en þó vantar heilmikið uppá til að rúlla upp reynslumiklu og massífu liði sem Þróttur er. Röndóttu Reykvingingarnir eru nú langefstir í deildinni en KA heldur öðru sætinu.

KA-menn áttu ekki sjö dagana sæla í kvöld þegar þeir voru flengdir harkalega af liðinu sem spilar í ljótustu búningum á landinu. Reykjavíkur-Þróttarar voru í miklum ham og rúlluðu yfir KA í þremur hrinum. Liðin eigast við aftur á morgun, laugardag og er leikurinn kl 14:00.

KA og Þróttur mætast í kvöld kl: 20:00´í fyrsta sinn í vetur en bæði liðin er taplaus í 1. deild karla og með jafn mörg stig en Þróttarar eru þó í toppsætinu með færri tapaðar hrinur. Leikurinn fer fram í KA heimilinu. Liðin mætast svo aftur á laugardag kl. 14:00 einnig í KA heimilnu.

Toppslagur verður í blakinu um helgina en tvö lið eru ósigruð í 1. deild karla þar sem af er keppnistímabilsins. Það eru lið KA og Þróttar Reykjavík. Um helgina mætast þessi lið í tvígang á Akureyri þar sem það skýrist hvaða lið verður á toppi deildarinnar eftir tvær umferðir.

Það var hart tekist á í leikjum KA gutta og Hamars um helgina enda mættust þar feðgar. Svo fór að synirnir höfðu betur enda má segja að þeir hafi haft nokkra forgjöf hvað hæðina varðar eins og þessi stórskemmtilega mynd sem fylgir fréttinni sýnir.

Haustmót Blakdeildar KA fór fram um liðna helgi á Akureyri. KA hefur haldið opið haustmót í nóvember í rúmlega 10 ár eða allt frá því að liðið hóf að senda lið á öldungamótin í blaki 1995. Nýliðið haustmót er eitt hið stærsta sem haldið hefur verið hjá KA en alls mættu 24 lið - 15 kvennalið og 9 karlalið. Óvenju mörg lið komu að langt að að þessu sinni en 15 liðanna voru lið utan Akureyrar, þar af 6 frá suðvesturhorninu og 1 frá Austfjörðum.  

KA-menn eru nú á toppnum í blakinu eftir tvo góða sigra á Stjörnunni um helgina. Á föstudagskvöld vann KA nokkuð öruggan 3-1 sigur og í dag endurtóku þeir leikinn þótt sigurinn hafi verið mun torsóttari.

KA-menn og Stjarnan áttust við í kvöld og fóru KA-menn með nokkuð öruggan sigur af hólmi 3-1. Hrinurnar enduðu (25-22, 23-25, 25-16, 25-18).Stigahæstir hjá KA voru Piotr með 24 stig og Hafsteinn skoraði 12 stig þar af 5 blokkir. Strákarnir eiga svo aftur að spila við Stjörnuna á morgun og vonumst við að sem flestir leggji leið sína í KA-heimilið og styðji strákana.

Um helgina spilar meistaraflokkur KA í blaki sína fyrstu heimaleiki á þessari leiktíð við Íslands- og bikarmeistara Stjörnunnar. Leikirnir eru kl. 20:00 á föstudagskvöld og 14:00 á laugardag og fara fram í KA heimilinu. KA menn eru með hörkulið í vetur og ljóst er að hart verður barist um helgina. KA menn eru hvattir til að mæta og  hvetja okkar menn.