Fréttir

KA sendi sitt unga kvennalið í Brosbikarkeppni BLÍ sem fram fór í Ólafsvík um helgina.  Liðið spilar í 2. deild í vetur, eins og í fyrra, og er einungis skipað leikmönnum á aldrinum 14-19 ára. Liðið stóð sig í raun frábærlega á mótinu og lagði lið HK 2-1 á föstudaginn og stóð verulega uppi í hárinu á liði Þróttar frá Neskaupstað en tapaði þó 2-1. 

Leiktímabilið í blakinu hófst um helgina þegar fyrra úrtökumótið Brosbikarnum fór fram í Ólafsvík.  Leikið var í tveimur riðlum og var KA í riðli með Fylki og HK. Leikin var tvöföld umferð en leikirnir voru styttri  en vant er en leikið var upp á 2 hrinur unnar í staðinn fyrir 3 hrinur unnar eins og í Íslandsmótinu.  Gengi KA var upp og ofan í mótinu en liðnu tókst engu að síður að vinna sinn riðil tryggja sér sæti í fjögurra liða úrslitum Brosbikarsins.

Karla- og kvennalið KA spila sína fyrstu leiki í vetur nú um helgina þegar þau halda vestur á Snæfellsnes til að spila í Brosbikarkeppninni. Karlaliðið er í riðli með Fylki og HK og verður að teljast sigurstranglegast í sínum riðli. Í hinum riðlinum er Stjarnan líkleg til afreka en þar eru líka Þróttur Reykjavík og UMFG. Kvennaliðið er í riðli með HK Utd, Þrótti Neskaupstað og Þrótti Reykjavík C. Í hinum riðlinum eru HK, Fylkir, Stjarnan og Þróttur Reykjavík.

Minnum á KA daginn á laugardag milli 11:00 0g 14:00. Það væri gaman að sjá sem flesta krakka og foreldra. Við verðum með ýmislegt KA dót til sölu og hægt verður að greiða æfingagjöld og nýir iðkendur fá afhenta bolta um leið og greitt er.  Síðan leikum við okkur eitthvað í salnum.

Íþróttafélögin KA – blakdeild - og UFA (Ungmennafélag Akureyrar) hafa ákveðið að taka saman höndum og bjóða upp á íþróttaskóla í vetur fyrir krakka í 1. – 3. bekk.. Þetta er í annað sinn sem slíkt samstarf er tekið upp að starfrækja íþróttaskóla á vegum félaganna að vetri til en veturinn 2000-2001 buðu félögin upp á íþróttaskóla við frábærar undirtektir og mjög góða aðsókn.

Æfingatöfluna má sjá undir hlekknum "Æfingatafla" hér til vinstri. Æfingar meistaraflokka hefjast á morgun þriðjudaginn 9. september. Æfingar yngriflokka - nema 6. flokks - fimmtudaginn 11. sept. Athugið að æfingar 6. flokks hefjast fimmtudaginn 18. september en þá ætla Blakdeild KA og Ungmennafélag Akureyrar að hefja samstarf um íþróttaskóla.

Fyrir hönd Blakdeildar KA og BLÍ vil ég þakka öllum þeim mörgu sem aðstoðuðu við framkvæmd NEVZA mótsins hér á Akureyri. Við höfum fundið að mótið hefur fengið mjög jákvæða umfjöllun, bæði hér á Akureyri og vítt um land. Fólk kom víða að til þess að fylgjast með mótinu og var aðsókn á leiki með ágætum og hörkustemming í íþróttahúsunum - sérstaklega á leikjum íslensku liðanna. Sigurður Arnar Ólafsson  

Íslenka liðið hefur mótið með því að mæta erfiðum andstæðinum, sænska liðinu kl. 13:00 í KA heimilinu. Klukkan 15:30 setur Sigrún Björk Jakobsdóttir mótið og fer setning fram í Höllinni. Strax á eftir mætir Íslenska karlaliðið Englendinum.  ATHUGIÐ AÐ FRÍTT ER Á ALLA LEIKI MÓTSINS

Af þeim 24 landsliðsmönnum sem Ísland teflir fram á NEVZA mótinu í blaki um helgina eru 6 frá Blakdeild KA eða 25% landsliðsmanna. Það verður að teljast athyglisverður árangur og bendir til þess að KA sé að standa sig vel í uppbyggingarstarfinu.  Nú er bara sjá hvort okkar fólk nær að standa sig um helgina.

NEVZA mótið í blaki undir 19 ára (U19) landsliða verður haldið á Akureyri dagana 5.-7. september næstkomandi og er þetta í fyrsta sinn sem mótið er haldið hér á landi. Blaksamband Íslands er framkvæmdaraðili mótsins í samstarfi við Blakdeild KA.