Fréttir

Mikið er spurt um leikjanámskeið hjá okkur í sumar og erum við að leggja lokahönd á þá dagskrá.Það er þó þegar orðið ljóst að við verðum með morgunnámskeið.

Nú er undirbúningur fyrir vorsýninguna okkar á fullu og eru hérna smá upplýsingar um hana.Sýningin er helgina 27-28.maí næstkomandi og er generalprufa fyrir sýninguna föstudaginn 26.

Snorri Bergþórsson hefur verið ráðinn framkvæmdastjóri FIMAK.Snorri hefur undanfarna þrjá vetur verið í viðskiptafræðinámi við HA en hann mun ljúka því námi um næstu áramót, þar sem hann á einungis eftir að skila lokaritgerð.

Dagana 27.og 28.maí fer fram Vorsýning FIMAK.Fimleikafélagið er 40 ára í ár og mun sýningin verða glæsilegri en nokkru sinni fyrr af því tilefni.Að sögn sýningastjóranna Huldu Rúnar, Karenar Hrannar og Mihaelu Bogodai er æft stíft en mikil leynd er yfir atriðunum enn sem komið er en þær lofa mikilli skemmtun.

Aðalfundur Fimleikafélags Akureyrar fer fram fimmtudaginn 11.maí kl.20:30 í íþróttahölllinni.Við hvetjum foreldra, þjálfara og aðra sem láta málefni félagsins sig varða til þess að mæta á fundinn.

Við minnum á að það er frí á æfingum í dag föstudag og á morgun laugardag

Við minnum á að í dag föstudag og morgun laugardag eru ekki æfingar vegna Akureyrarfjörs

Akureyrarfjör Landsbankans 2017 fer fram 20.til og með 22.april nk. ATH að engar æfingar verða hjá okkur þá daga vegna mótsins. Allir iðkendur sem æfa á virkum dögum, utan við parkour hópa, taka þátt í Akureyrarfjörinu.

Við minnum á að eftir daginn í dag fara allir hópar í páskafrí.Æfingar hefjast að nýju samkvæmt stundaskrá þriðjudaginn 18.apríl næstkomandi.

Sunnudaginn 9.apríl fór fram hja FIMAK parkourmót í samstarfi við  AK Exreme.Yfir 100 þátttakendur voru á mótinu frá félögum alls staðar af landinu.Keppt var í fimm aldursflokkum, auk þess sem Akureyrarmeistara FIMAK í drengja og stúlknaflokki voru krýndir.