Fréttir

Yngra ár KA/Þórs spilaði samtals þrjá leiki um helgina. Hvort lið spilaði einn leik í deildinni og sameiginlegt lið yngra árs spilaði í bikarnum.

Yngra árið hjá KA/Þór átti erfiða helgi fyrir höndum þegar lagt var af stað á föstudagsmorgun. Fyrir láu þrír leikir. KA/Þór1 átti leik gegn ÍBV á Selfossi og KA/Þór2 átti leiki gegn Selfoss og Val.

Hamrarnir mæta Selfyssingum í 1. deild karla í handbolta í dag og leikið er í KA-heimilinu. Leikurinn hefst klukkan 16.00 og er frítt á völlinn.

Eftir tvo útileiki í röð er komið að þriðja heimaleik Akureyrarliðsins í Olís-deild karla og hann fer einmitt fram á „venjulegum“ tíma eða klukkan 19:00 á fimmtudegi. Mótherjarnir eru engir aðrir en Hafnarfjarðarstórveldið Haukar og ef að líkum lætur þá verður hart tekist á í þessum leik eins og alltaf þegar Haukarnir koma í heimsókn.

Á laugardaginn spiluðu stelpurnar í KA/Þór gegn Gróttu í Íþróttahöllinni á Akureyri. KA heimilið var upptekið fyrir dansiball þannig að Höllin var það heillin.

KA/Þór fékk erfitt verkefni í dag þegar stelpurnar mættu Íslandsmeisturum Fram í KA heimilinu.

3. flokkur kvenna hjá KA/Þór í handbolta lék tvo leiki fyrir sunnan um síðustu helgi. Fyrri leikurinn var gegn Val á Hlíðarenda á föstudagskvöldið en sá síðari var gegn ÍR í Austurbergi á sunnudag. Eftirfarandi pistill um helgina birtist á vefnum nordursport.net.

Á sunnudaginn tóku strákarnir í 3. flokki KA á móti sameiginlegu liði Fjölnis og Fylkis í 1. deildarkeppninni. Leikið var í KA heimilinu og fóru heimamenn með þriggja marka sigur 27-24. Það var ekki auðvelt í fyrstu að greina hvaða lið voru eiginlega keppa því bæði léku í KA-búningum eins og sjá má meðfylgjandi myndum Hannesar Péturssonar. Til að taka af allan vafa þá eru það KA menn sem eru í gulu búningunum.

Það var mikið fjör á Íslandsmóti 6. flokks karla og kvenna um helgina en leikið var í KA-heimilinu og Íþróttahúsi Síðuskóla. Okkur hefur borist fjöldi ljósmynda frá mótinu, bæði frá Þóri Tryggvasyni og Hannesi Péturssyni. Hér að neðan er hægt að fletta í gegnum myndsöfnin.

Lagið meiðslalistinn kom upp í huga þjálfara fyrir helgina þar sem meiðsli svo sem puttabrot, handabrot og ökklabrot eru að hrjá nokkrar stúlkur. Ekki vænkaðist svo hagur flokksins þegar ein bættist við með snúinn ökkla eftir píptest í skólanum. Þar fyrir utan voru fimm stúlkur fjarverandi út af skólaferðalagi og öðru. Það var því lágmarksfjöldi þriggja liða sem steig upp í rútuna á fallegum laugardagsmorgni með þrjár hressar stelpur úr 5. flokki að láni.