Fréttir

KA/Þór og Víkingur léku í 2.deild kvenna í handboltanum á laugardag.  Liðin voru jöfn í 2.-3. sæti deildarinnar og því búist við jöfnum leik.  Framan af leik var jafnræði með liðunum en þegar líða tók á hálfleikinn seig KA/Þór fram úr og náði þriggja marka forustu fyrir hlé, 15-12.  Munaði þar mestu um að góða vörn og nokkur hraðaupphlaup sem skiluðu þessu forskoti.

Föstudaginn 21. janúar héldu 19 eldhressar KA/Þór stelpur til Reykjavíkur.  Lagt var af stað frá KA heimilinu klukkan 13 og var stoppað og borðað í Borgarnesi. Við vorum komin í Fjölnisheimilið, þar sem mótið var haldið, um klukkan 18:30. Í þetta sinn vorum við með tvö lið og stefnum að því að verða jafnvel með þrjú lið á næsta móti ef að stelpunum heldur áfram að fjölga svona mikið. Hópurinn hefur heldur betur stækkað síðan í haust og við viljum koma á framfæri að allar stelpur sem vilja koma og prófa handbolta eru meira en velkomnar á æfingar.

5. flokkur KA í handbolta fór í sína 3. keppnisferð í vetur 14. janúar s.l. að þessu sinni var ferðinni heitið í Kaplakrikann til FH, ferðin hófst á föstudaginn í KA heimilinu þar sem hópurinn safnaðist saman og horfði á leik Íslands og Ungverja í HM, þaðan var svo lagt af stað til Reykjavíkur með bros á vör og voru 6. flokkur stelpna og 6. flokkur stráka yngra ár með í för, það var því sneisafull rúta af hressum krökkum. 

Síðast liðna helgi fór fram leikur KA/Þórs í 4.flokki á móti Fjölnisstelpum sem var jafnan annar deildarleikur þessara liða í vetur, þegar þær mættust á heimavelli Fjölnis þá unnu okkar stelpur góðan og stóran sigur, en Fjölnisstelpurnar mættu norður með gott og flott lið sem tekur stöðugum framförum með hverjum leik.

Hér fer á eftir annáll sem Tryggvi Gunnarsson, varaformaður KA flutti á KA-deginum þann 16. janúar þar sem jafnframt var fagnað 83. afmæli félagsins.

Síðastliðinn föstudag, þann 14. janúar héldum við til Reykjavíkur. Við hittumst uppi í KA heimili, horfðum saman á landsleikinn og lögðum síðan af stað. Við keyrðum með tveimur strákaliðum þannig að það var vægast sagt mikið fjör á leiðinni. Það var síðan stoppað í Staðarskála til þess að borða og þar fengum við hollan og góðan mat, sem að stelpunum fannst þó misgóður. Ferðinni var síðan haldið áfram og við vorum komin á gististaðinn okkar, Ársel, rétt fyrir miðnætti. Þegar þangað var komið fóru stelpurnar að taka sig til fyrir svefninn, enda langur og erfiður dagur framundan.

Sama dag og haldið var upp á 83. ára afmæli KA með glæsibrag tók 3. flokkur kvenna í KA/Þór á móti ÍR stúlkum. 

Stelpurnar í 3. flokk spiluðu gegn FH tvo leiki um helgina. Á laugardeginum var bikarleikur og leikur í deildinni á sunnudeginum.  Laugardagsleikurinn spilaðist svipað og leikirnir hjá 3. flokk hingað til. Sókn og vörn ágæt en mikið vantaði upp á baráttu og sigurvilja. Stemmingin í liðinu lítil og leikmenn að spila langt undir getu.  Markverðir liðsins fundu sig engan veginn og þegar vörnin var að spila ágætlega virtust FH stelpur getað skorað úr nánast hvaða færi sem þær fengu. Hálfleikstölur voru 12-17 fyrir FH og ljóst að mikið þyrfti að breytast í seinni hálfleiknum. 

KA/Þór mætir FH í tveim leikjum í 3. flokki kvenna um helgina. Á laugardaginn klukkan 12:30 eigast liðin við í bikarkeppninni og fer sá leikur fram í Íþróttahöllinni. Á sunnudaginn mætast liðin svo aftur en sá leikur er liður í Íslandsmótinu og fer sá leikur fram klukkan 11:00 og verður hann í KA-heimilinu.

Á morgun, laugardag var fyrirhugaður leikur KA/Þór gegn Fylki í 2. deild meistaraflokks kvenna. Nú hefur Fylkir tilkynnt að félagið hyggist ekki mæta í leikinn og er KA/Þór því dæmdur 10-0 sigur í leiknum. Þetta mun vera í fjórða skipti í vetur sem lið mætir ekki hingað norður til leiks samkvæmt mótaskrá í þessari deild og er háttarlag og framkoma þessara liða gjörsamlega ólíðandi.