Fréttir

Það var svo sannarlega fjör á hinni árlegu jólaæfingu hjá unglingaráði handknattleiksdeildarinnar. Æfingin var síðastliðinn laugardag og að venju var farið í margskonar leiki og að sjálfsögðu mættu jólasveinar á svæðið og sýndu listir sínar auk þess að koma færandi hendi. Sævar Geir Sigurjónsson smellti af slatta af myndum sem við getum skoðað hér að neðan.

Næstkomandi laugardag verður árleg jólaæfing hjá 7. og 8. flokki (1.-4. bekkur) bæði strákum og stelpum. Farið verður í leiki og jólasveinar koma í heimsókn með glaðning í poka. Æfingin hefst kl. 9:30 og vonumst við til að sjá sem flesta úr þessum árgöngum. Foreldrum og yngri systkinum er velkomið að koma og vera með. Þjálfarar og Unglingaráð handknattleiksdeildar.

Það verður líf og fjör í KA heimilinum um helgina en þá verða spilaðir 5 leikir í unglingaflokkum karla og kvenna.  Við hvetjum fólk til að koma og styðja við bakið á ungu handboltafólki á Akureyri. Föstudagur kl. 20:00  3. flokkur karla 2 deild:  KA-HK Laugardagur kl. 14:00 4. flokkur karla 1 deild: KA-Selfoss Laugardagur kl. 15:15 4. flokkur kvenna 2 deild A: KA/Þór-Stjarnan Laugardagur kl. 16:30 4. flokkur kvenna 2 deild B: KA/Þór-Stjarnan Sunnudagur kl. 15:00 3. flokkur kvenna 1 deild: KA/Þór-HK

Á dögunum hittust strákar úr 6. flokki hjá KA, Þór og Völsungi í Íþróttahöllinni. Liðin léku nokkra æfingaleiki, KA var með eitt lið af eldra ári og tvö af yngra ári. Þetta var hin ágætasta skemmtun fyrir strákana og allt gekk vel fyrir sig. Að loknum leikjum fengu allir smá hressingu áður en Völsungar sneru heim á ný.

4. flokkur kvenna spilaði á laugardeginum gegn toppliði 1. deildar í bikarkeppninni. KA/Þór spilar í 2. deild og hafa sýnt það í fyrstu leikjum vetrarins að þær eru til alls líklegar. Fylkir trónir á toppi 1. deildar taplausar og því ljóst að um verðugan andstæðing var að ræða. KA/Þór byrjaði leikinn af miklum krafti og náði fljótt yfirhöndinni. Fylkisstelpum virtist hálf brugðið og KA/Þór virtist ætla að gera út um leikinn í fyrri hálfleik. Þá var eins og þeim brygðist kjarkurinn og Fylkisstelpur gengu á lagið. Síðustu mínúturnar í seinni hálfleik voru algjörlega í eigu Fylkis og fóru verðskuldað inn í hálfleikinn með tveggja marka forustu.

Handknattleiksdeild/unglingaráð KA er í samstarfi við Íslenska Gámafélagið að breiða út Grænu tunnuna en sem er liður í umhverfisstefnu Akureyrarbæjar. Um leið er þetta fjáröflun fyrir félagið. Viltu losna við að fara í grenndargáma? Viltu styrkja KA í leiðinni? Verð 950 kr. á mánuði. Verum umhverfisvæn, flokkum rusl í grænu tunnuna og losnum við ferðir í grenndargáma. Í grænu tunnuna fer endurvinnanlegt sorp t.d. dagblöð, fernur, plast, rafhlöður og áldósir. Hafið samband og pantið tunnu. Þú getur hringt í síma 892-2612 eða 462-3482 og svo má líka senda tölvupóst á ka-handbolti@ka-sport.is.

KA 1 og KA 2 í 6.fl. karla eldra ár fóru á mót um helgina sem haldið var af Haukum í Hafnarfirði. KA 1 keppti í 1. deild og stóðu þeir sig vel þótt tveir leikir hafi tapast með aðeins einu marki en upp úr stóð jafntefli við FH sem vann mótið og tapaði aðeins stigi á móti okkar mönnum. Þessi deild er mjög jöfn að getu og vantaði okkur bara smá heppni til að ná lengra.

Nú um helgina verður nóg um að vera í handboltanum í KA heimilinu. Afturelding kemur í heimsókn og spilar þrjá leiki við KA. Föstudagur 26/11 kl. 18:30  KA-Afturelding 3 flokkur kk. 2.deild Laugardagur 27/11 kl. 11:30 KA-Afturelding 4 flokkur kk. 1.deild Laugardagur 27/11 kl. 17:30 KA-Afturelding 3 flokkur kk. 1.deild Við hvetjum fólk til að koma í KA heimilið og sjá þessa ungu og efnilegu handboltastráka félagsins.

Handknattleiksdeild/unglingaráð KA eru í samstarfi við Íslenska Gámafélagið að breiða út Grænu tunnuna en sem er liður í umhverfisstefnu bæjarins. Um leið er þetta fjáröflun fyrir félagið. Styrkjum K.A Verum umhverfisvæn, flokkum rusl í grænu tunnuna og losnum við ferðir í grenndargáma. Í grænu tunnuna fer endurvinnanlegt sorp t.d. dagblöð, fernur, plast, rafhlöður og áldósir. Aðeins 950 kr. pr mán.   Hafið samband og pantið tunnu. Þú getur hringt í síma 892-2612 eða sent tölvupóst á ka-handbolti@ka-sport.is.

5. flokkur drengja yngra ár fór í sína aðra keppnisferð í vetur til Reykjavíkur um síðustu helgi, 19-20 nóv. Nú var ferðinni heitið í Gróttuheimilið þar sem mótið var haldið að þessu sinni. Handboltalið KA var með tvö lið og spilaði KA1 í 2. Deild og KA2 í 4.deild.