Fréttir

Síðastliðinn föstudag, þann 14. janúar héldum við til Reykjavíkur. Við hittumst uppi í KA heimili, horfðum saman á landsleikinn og lögðum síðan af stað. Við keyrðum með tveimur strákaliðum þannig að það var vægast sagt mikið fjör á leiðinni. Það var síðan stoppað í Staðarskála til þess að borða og þar fengum við hollan og góðan mat, sem að stelpunum fannst þó misgóður. Ferðinni var síðan haldið áfram og við vorum komin á gististaðinn okkar, Ársel, rétt fyrir miðnætti. Þegar þangað var komið fóru stelpurnar að taka sig til fyrir svefninn, enda langur og erfiður dagur framundan.

Sama dag og haldið var upp á 83. ára afmæli KA með glæsibrag tók 3. flokkur kvenna í KA/Þór á móti ÍR stúlkum. 

Stelpurnar í 3. flokk spiluðu gegn FH tvo leiki um helgina. Á laugardeginum var bikarleikur og leikur í deildinni á sunnudeginum.  Laugardagsleikurinn spilaðist svipað og leikirnir hjá 3. flokk hingað til. Sókn og vörn ágæt en mikið vantaði upp á baráttu og sigurvilja. Stemmingin í liðinu lítil og leikmenn að spila langt undir getu.  Markverðir liðsins fundu sig engan veginn og þegar vörnin var að spila ágætlega virtust FH stelpur getað skorað úr nánast hvaða færi sem þær fengu. Hálfleikstölur voru 12-17 fyrir FH og ljóst að mikið þyrfti að breytast í seinni hálfleiknum. 

KA/Þór mætir FH í tveim leikjum í 3. flokki kvenna um helgina. Á laugardaginn klukkan 12:30 eigast liðin við í bikarkeppninni og fer sá leikur fram í Íþróttahöllinni. Á sunnudaginn mætast liðin svo aftur en sá leikur er liður í Íslandsmótinu og fer sá leikur fram klukkan 11:00 og verður hann í KA-heimilinu.

Á morgun, laugardag var fyrirhugaður leikur KA/Þór gegn Fylki í 2. deild meistaraflokks kvenna. Nú hefur Fylkir tilkynnt að félagið hyggist ekki mæta í leikinn og er KA/Þór því dæmdur 10-0 sigur í leiknum. Þetta mun vera í fjórða skipti í vetur sem lið mætir ekki hingað norður til leiks samkvæmt mótaskrá í þessari deild og er háttarlag og framkoma þessara liða gjörsamlega ólíðandi.

Tilkynning frá handknattleiksdeild. Vegna óveðurs og ófærðar í bænum falla allar æfingar niður hjá yngri flokkum í handbolta í dag, föstudaginn 7. janúar. Unglingaráð handknattleiksdeildar.

Í lok árs er gott að staldra við og gera upp liðið ár, bæði til að sjá hvað var vel gert og eins til að skoða hvort eitthvað megi betur fara hjá Handknattleiksdeildinni. Hápunktur síðasta árs var án efa Íslandsmeistaratitill í 3.fl.karla.  Liðið sigldi gegnum veturinn án verulegra erfiðleika, en þó sérstaklega frá áramótum.  Strákarnir stóðu sig frábærlega undir stjórn Jóhanns Gunnars og Sævars þjálfara sinna.  Aðrir flokkar stóðu sig á viðunandi hátt og árangur verður ekki alltaf mældur út frá titlum heldur iðkendafjölda og góðu starfi og góðum anda í hverjum flokki.

Það má búast við hörkuleik í kvöld þegar Akureyri mætir FH í úrslitaleik deildarbikarsins. Þetta er annað árið í röð sem Akureyri leikur til úrslita í keppninni en í fyrra tapaði liðið úrslitaleiknum gegn Haukum með marki á síðustu sekúndu leiksins. Það má því segja að Akureyrarliðið hafi hefnt grimmilega fyrir það með því að valta yfir Haukana í gær.

Það fylgir venjulega jólahaldinu að í bæinn koma brottfluttar handboltakempur og þá er upplagt að smala saman gömlum liðum og athuga hvort lifir enn í gömlum glæðum. Einn slíkur leikur fór fram á öðrum degi jóla þegar nokkrar kempur fæddar árið 1983 rifjuðu upp hvað Jóhannes Bjarnason kenndi þeim fyrir nokkrum árum.

Byrjendaflokkarnir 7. og 8. flokkur  karla og kvenna eru frá og með deginum í dag komin í jólafrí. Æfingar hefjast þegar skóli hefst á nýju ári, stelpurnar byrja miðvikudaginn 5. janúar og strákarnir föstudaginn 7. janúar. Aðrir flokkar æfa eftir sérstöku æfingaplani sinna þjálfara. Unglingaráð handknattleiksdeildar KA og þjálfarar óska iðkendum og fjölskyldum þeirra gleðilegra jóla.