Fréttir

FIMAK óskar eftir því að ráða í stöðu yfirþjálfara í hópfimleikum. Viðkomandi þarf að geta hafið störf í ágúst 2023. Umsóknum ásamt ítarlegri ferilskrá skal senda á skrifstofa@fimak.is. Umsóknarfrestur er til og með 31.maí. Fyrir frekari upplýsingar veitir Alexandra skrifstofustjóri félagsins, hægt að senda tölvupóst á skrifstofa@fimak.is.

KA gerði sér lítið fyrir og tryggði sér Íslandsmeistaratitilinn í blaki karla í kvöld með 3-1 sigri á liði Hamars en með sigrinum tryggðu strákarnir sér sigur í úrslitaeinvíginu samanlagt 3-1. KA vann þar með sinn sjöunda Íslandsmeistaratitil í blaki karla og þann fyrsta frá árinu 2019

KA tekur á móti Hamri í fjórða leik liðanna í baráttunni um Íslandsmeistaratitilinn í blaki karla kl. 19:00 í KA-Heimilinu í kvöld. KA leiðir einvígið 2-1 og tryggir sér titilinn með sigri í kvöld og alveg ljóst að við þurfum að troðfylla stúkuna og tryggja að strákarnir landi titlinum

Aðalfundur Knattspyrnufélags Akureyrar verður haldinn í KA-Heimilinu þriðjudaginn 23. maí næstkomandi klukkan 18:00. Hefðbundin aðalfundarstörf verða á dagskrá og hvetjum við alla félagsmenn til að mæta

Í sumar býður FIMAK upp á fim-leikjanámskeið fyrir 6-10 ára krakka (2013-2017). Námskeiðin verða frá kl. 8:15 - 14:00 alla virka daga og standa námskeiðin yfir í viku í senn og kostar vikann 16.000 kr Ef skráð er á allar 3 vikurnar fæst 4 vikan frítt. Námskeiðin samanstanda af fimleikaæfingum og ýmsum leikjum, bæði úti og inni. Krakkarnir þurfa að hafa með sér hollt og gott nesti fyrir morgunkaffi og hádegismat. Fyrir nánari upplýsingar má senda póst á skrifstofa@fimak.is Skráning er hafin og fer fram í gegnum skráningarkerfi Sportabler FIMAK | Vefverslun (sportabler.com)

Handknattleiksdeild KA hélt lokahóf sitt á dögunum þar sem leikmenn, þjálfarar, stjórnarmenn og sjálfboðaliðar gerðu upp nýlokinn vetur. Breytingar eru framundan bæði hjá karlaliði KA og kvennaliði KA/Þórs og voru nokkrir mikilvægir einstaklingar heiðraðir fyrir þeirra framlag til handboltans

EM í kraftlyftingum í búnaði er í fullum gangi og keppir okkar maður, Alex Cambray Orrason, klukkan 13:00 í dag. Mótið fer fram í Thisted í Danmörku og verður spennandi að fylgjast með Alex en hann keppir í 93 kg flokki

Fótboltinn er farinn að rúlla og náðist frábær árangur í 3. flokki á dögunum en Þór/KA vann fyrstu lotuna í A-deild er stelpurnar unnu sex leiki og gerðu eitt jafntefli. Þær sýndu jafna og góða frammistöðu í lotunni og eru heldur betur sanngjarnir sigurvegarar

Andri Snær Stefánsson hefur tilkynnt stjórn KA/Þórs að hann muni láta staðar nema og hætta þjálfun á liði meistaraflokks félagsins. Andri Snær hefur stýrt meistaraflokki KA/Þórs undanfarin þrjú tímabil og má með sanni segja að sá kafli hafi verið heldur betur blómlegur og voru stór skref stigin fram á við

Við óskum þeim KA félögum sem eiga stórafmæli í maí innilega til hamingju.