Fréttir

KA leikur til úrslita í Coca-Cola bikarnum eftir stórkostlegan 28-27 sigur á Selfyssingum eftir framlengdan háspennuleik. Strákarnir mættu gríðarlega vel stemmdir til leiks og með stórkostlegum stuðning fjölmargra KA-manna tókst ætlunarverkið og framundan bikarúrslitaleikur gegn Val á laugardaginn

Á vel sóttum félagsfundi KA í gærkveldi var samþykkt með dynjandi lófataki að stofna nýja félagsdeild innan KA, Lyftingadeild KA. Í hinni nýju deild munu iðkendur leggja stund á kraftlyftingar sem og ólympískar lyftingar

Á morgun, þriðjudag, klukkan 20:00 stendur KA fyrir félagsfundi í KA-Heimilinu þar sem tillaga aðalstjórnar félagsins um stofnun lyftingardeildar KA verður lögð fyrir félagsmenn. Á fundinum mun aðalstjórn einnig kynna stöðu uppbyggingarmála hjá KA og þau verkefni sem framundan eru hjá félaginu

KA og KA/Þór verða í eldlínunni þegar úrslitahelgi Coca-Cola bikarsins fer fram nú í vikunni. Framundan er svakaleg handboltaveisla þar sem bestu lið landsins í karla og kvennaflokki auk yngriflokka keppa um sjálfan bikarmeistaratitilinn

KA tók á móti FH í Olísdeildinni í handbolta á föstudaginn en fyrir leikinn voru gestirnir á toppi deildarinnar og höfðu aðeins tapað tveimur leikjum í vetur. KA liðið hefur verið á miklu skriði að undanförnu og strákarnir voru staðráðnir í að sækja sigur í síðasta leik liðsins fyrir bikarúrslitahelgina

KA vann heldur betur glæsilegan og mikilvægan 3-0 sigur á Aftureldingu í uppgjöri toppliða úrvalsdeildar kvenna í blaki í kvöld. Fyrir leikinn voru liðin jöfn og langefst í deildinni en KA lagði Aftureldingu í Mosfellsbænum og Afturelding vann sigur í KA-Heimilinu fyrr í vetur en það eru einu töp liðanna í deildinni

Óðinn Þór Ríkharðsson leikmaður KA var í dag valinn í æfingahóp A-landsliðs karla í handbolta sem kemur saman til æfinga dagana 14.-20. mars næstkomandi. Óðinn hefur farið á kostum með KA í vetur en hann er einn af markahæstu leikmönnum Olísdeildarinnar með 107 mörk í 15 leikjum

Það er alvöru slagur framundan í kvöld þegar KA tekur á móti FH í Olísdeild karla klukkan 18:00 í KA-Heimilinu. Strákarnir hafa verið á miklu skriði að undanförnu og er það ekki síst því að þakka að stemningin á undanförnum heimaleikjum hefur verið stórkostleg

KA og Afturelding hafa borið höfuð og herðar yfir önnur lið í blaki kvenna í vetur en þau eru jöfn á toppi deildarinnar fyrir lokasprettinn. Liðin hafa mæst tvívegis í vetur og unnið sitthvorn leikinn en það eru einmitt einu töp liðanna í vetur

KA sækir Fylkismenn heim í Lengjubikarnum í dag en fyrir leikinn eru liðin ásamt FH jöfn í efsta sæti riðilsins með 7 stig af 9 mögulegum. Aðeins efsta liðið fer áfram í undanúrslit keppninnar og því um ansi mikilvægan leik að ræða