Kjarnafæðismótið hefst um helgina (leikjaplan)

Spennandi mót framundan (mynd: Sævar Geir)

Kjarnafæðismótið í knattspyrnu hefst um helgina en þá mætast KA2 og Þór í Boganum á sunnudag klukkan 13:15. Mótið í ár hefur aldrei verið stærra en alls taka átján lið þátt í mótinu í þremur deildum en KA teflir fram þremur liðum í ár í karlaflokki. Leikið verður í Boganum.

Þá verður Þór/KA sem og Hamrarnir með í kvennaflokki en í fyrsta skiptið verður leikið í kvennaflokki á mótinu og er það gríðarlega ánægjulegt skref. Alls eru skráð fimm lið til leiks hjá konunum en liðin eru 13 í karlaflokki, sjö í A deild og sex í B deild. KDN, Knattspyrnudómarafélag Norðurlands, heldur utan um mótið rétt eins og undanfarin ár.

KA sigraði mótið í fyrra eftir 2-1 sigur á Þór í hreinum úrslitaleik í lokaumferðinni. Að þessu sinni eru Þór, Magni, Völsungur, Dalvík/Reynir, Leiknir Fáskrúðsfirði og KA2 keppinautar liðsins í A deildinni.

Þrjú lið mæta alla leið frá Austurlandi til að taka þátt í mótinu. Áðurnefndir Leiknismenn taka þátt í A deild Karla en einnig tekur Huginn/Höttur þátt í B deildinni. Að auki tekur Fjarðabyggð/Leiknir/Höttur þátt í A deild Kvenna.

Fimm leikir munu fara fram fyrir jól en síðan mun verða leikið þétt í janúar og fram í byrjun febrúar áður en aðrar keppnir hefjast á vegum KSÍ.

Fyrsti leikur aðalliðs KA á mótinu er laugardaginn 14. desember klukkan 15:15 er strákarnir mæta Völsung. Þór/KA hefur einnig leik gegn Völsung en sá leikur fer fram 5. janúar. Annars er skipting liðanna niður í deildir með þessum hætti:

A-deild karla: Dalvík/Reynir, KA, KA2, Leiknir F, Magni, Völsungur, Þór

B-deild karla: KA3, Huginn/Höttur, KF, Samherjar, Tindastóll, Þór2

A-deild kvenna: Fjarðabyggð/Höttur/Leiknir, Hamrarnir, Tindastóll, Völsungur, Þór/KA

Leikur KA2 og Völsungs þann 18. janúar verður spilaður á Húsavíkurvelli