Fréttir

Það var hugur í strákunum í 3. flokki fyrir úrslitaleikinn gegn Stjörnunni á sunnudaginn. Liðin höfðu mæst tvisvar um veturinn í deildinni og unnu sinn hvorn heimaleikinn. Það var reyndar eini tapleikur Stjörnunnar í deildinni. Það var því ljóst að baráttan yrði hörð og því stigu nokkrir leikmanna KA á stokk og strengdu þess heit að ef þeir ynnu leikinn myndu þeir láta snoða sig.

Um helgina var 3. flokkur kvenna að spila í úrslitum íslandsmótsins. Mótherjarnir í undanúrslitum voru lið HK. KA/Þór og HK höfðu spilað tvívegis yfir veturinn og hvort lið unnið einn leik. KA/Þór komst 1-0 yfir en átti eftir það lítinn möguleika í leiknum. HK fór í 5-1 og var munurinn mestur 8 mörk. Stelpurnar náðu aldrei að koma sér í gírinn sóknarlega og vörnin var afspyrnu léleg framan af, það var helst fyrir stórleik Lovísu í markinu að munurinn varð ekki stærri.

Íslandsmeistarar KA í 3. flokki karla komu heim í gærkvöldi með bikarinn eftirsótta. Tekið var á móti hópnum í KA heimilinu þar sem unglingaráðið, foreldrar og aðrir biðu strákanna. Eftir ávarp Sigfúsar Karlssonar var hverjum og einum liðsmanni afhent rós og síðan boðið í pizzuveislu.

Strákarnir í 3. flokki KA urðu í dag Íslandsmeistarar er þeir unnu lið Stjörnunnar með einu marki 28-27 í æsispennandi úrslitaleik. Í gær sigruðu strákarnir lið FH 29-22 í fjögurra liða úrslitum. Strákarnir eru á leiðinni norður og er áætlað að þeir komi í KA heimilið um klukkan 20:30 í kvöld. Við óskum strákunum hjartanlega til hamingju með frábæran árangur og hvetjum stuðningsmenn til að fagna þeim við heimkomuna í kvöld.

Um helgina fara fram undanúrslit og úrslit í 3. flokki kvenna og karla. Leikið er í Austurbergi. Leikjaplanið er eftirfarandi:

Nú um helgina mætti A lið 3. flokks kvenna liði Víkings í 8 liða úrslitum um Íslandsmeistaratitilinn. KA/Þór stelpur gerðu út um leikinn í fyrri hálfleik og spiluðu á köflum virkilega góðan handbolta en féllu hins vegar niður í tóma steypu á stuttum kafla í fyrri hálfleik. Í stöðunni 16-4 fóru þær að slaka heldur mikið á og gerðu í raun sitt besta til þess að hleypa Víkingsstelpum inn í leikinn. Víkingsstelpur gengu á lagið og minnkuðu muninn í 18-11 og þannig stóð í hálfleik.

Í vetur var í fyrsta skipti sent til leiks B lið 3. flokks kvenna hjá KA/Þór. Ljóst var fyrir veturinn að fjöldinn væri slíkur að erfitt yrði að gefa öllum tækifæri á að spila mikið með A liðinu og því nauðsynlegt að búa til vettvang fyrir þær sem hugsanlega hefðu spilað minna með A liðinu yfir veturinn.

Þá er síðasta keppnisferð vetrarins framundan er lokaumferð Íslandsmóts fer fram í íþróttahúsi Fram við Safamýri í Reykjavík um næstu helgi. Við munum að þessu sinni fara með þrjú lið en það er til komið vegna fjölgunar iðkenda sem er vitaskuld afar ánægjuleg þróun. Mæting er í KA heimili kl. 11.50 á föstudaginn og við munum stoppa í Borgarnesi á leiðinni suður og fara þar í sund.

Í kvöld verður skorið úr um hvort það verður Akureyri eða Valur sem mætir Haukum í lokarimmunni um Íslandsmeistaratitilinn. Liðin mætast í Vodafone-höllinni klukkan 19:30 og ef að líkum lætur verður barist til síðustu andartaka leiksins. Eftir sigur Valsmanna hér fyrir norðan er ljóst að stemmingin er þeirra megin en það er að sama skapi á hreinu að ýmsir lykilmenn Akureyrar áttu arfaslakan dag í síðasta leik og maður trúir því ekki að þeir ætli að enda tímabilið þannig.

Um helgina fer fram heilmikið mót hjá 6. flokki kvenna í KA heimilinu og Síðuskóla. Leikið er á föstudag og laugardag en mótið hefst klukkan 17:00 á föstudag og klárast um klukkan 13:30 á laugardaginn. Mótinu er lokið og hér fyrir neðan er hægt að skoða öll úrslit og röð liða. Smelltu hér til að skoða leikskipulag og úrslit leikja mótsins. Smelltu hér til að skoða yfirlit um dómara og tímaverði mótsins. Smelltu hér til að skoða lokaúrslit mótsins og röð liða.