Fréttir

Fimmtudaginn 25. mars verður síðasta æfing fyrir páska hjá 7. og 8. flokki drengja í handbolta. Eftir æfingu, eða kl. 17:15 – 18:15 verður svo pizzuveisla fyrir strákana í salnum í KA-heimilinu. Strákarnir þurfa ekkert að borga en koma sjálfir með drykki. Æfingar eftir páska hefjast svo fimmtudaginn 8. apríl. Gleðilega páska Sævar, Danni, Finnur, Sölvi og Róbert

Næstkomandi laugardag spila KA1 og KA2 sína síðustu leiki í deildarkeppninni. KA1 mætir Gróttu1 klukkan 16:00.  Strákarnir hafa verið að spila ljómandi góðan handbolta í vetur og eiga mikla möguleika á að gera enn betur. Þeir hafa nú þegar tryggt sér annað sætið í 1. deildinni en ætla sér enn lengra og er þessi leikur sá fyrsti í undirbúningi fyrir það sem koma skal.

Nýverið var valið í yngri landslið karla og kvenna og á KA þó nokkra leikmenn í þessum landsliðum. Í U-16 karla voru þeir Daníel Matthíasson, Finnur Heimisson og Kristján Már Sigurbjörnsson valdir frá KA. Strákarnir eru lykilmenn í sínu liði ásamt því að hafa verið að spila upp fyrir sig í 3. flokki karla.

Eins og stundum áður var Þórir Tryggvason með myndavélina meðferðis í KA Heimilinu þegar KA/Þór tók á móti Haukum í síðasta heimaleik tímabilsins.

KA/Þór tapaði með fjögurra marka mun gegn Haukum, 31:35, er liðin mættust í KA- heimilinu í dag í N1- deild kvenna í handbolta. Leikurinn var jafnframt síðasti heimaleikur KA/Þórs á tímabilinu. Markvörður Hauka, G. Bryndís Jónsdóttir, reyndist norðanstúlkum erfið í dag en hún varði 30 skot í leiknum og afrekaði að skora eitt mark. Martha Hermannsdóttir var besti maður KA/Þórs í leiknum en hún skoraði 9 mörk, þar af 2 úr vítum.

Í dag, laugardag klukkan 16:00 leikur kvennalið KA /Þórs lokaleik sinn á heimavelli í vetur gegn Haukum í KA heimilinu.  Stelpurnar hafa verið á uppleið eftir áramót og því getum við átt von á spennandi leik.

Vegna mikillar fjölgunar liða á mótinu um næstu helgi þurftu mótshaldarar að breyta niðurröðun. Það þýðir verulegar breytingar hjá KA drengjunum og munu þeir spila leikina sína fyrri part laugardags og ljúka leik um kl. 14.30. Því þarf að aka til Reykjavíkur á föstudag og er mæting í rútu kl. 16.00. Gist verður í KR heimilinu þar sem drengirnir fá einnig morgunverð. Þeir fá einnig tvær heitar máltíðir. Að öðru leyti er vísað í fyrri upplýsingar. Verð er óbreytt kr. 3.000. Vegna forfalla vantar foreldri í fararstjórn - áhugasamir eru beðnir að hafa samband við undirritaðann sem fyrst. Kveðja, Jóhannes G. Bjarnason s. 662-3200

KA/Þór vann þriggja marka sigur gegn FH, 28:25, í jöfnum og skemmtilegum leik í N1- deild kvenna í handbolta, en leikið var í KA- heimilinu. Fram að leiknum í dag hafði FH haft betur í báðum viðureignum liðanna í deildinni og því kærkominn sigur norðanstúlkna.

Á laugardaginn klukkan 15:00 leika KA/Þór – FH í meistaraflokki kvenna í KA heimilinu. Liðin hafa mæst tvisvar í deildinni til þessa, fyrri leiknum sem var í Hafnarfirði lauk með naumum sigri FH 30-27 en seinni leikinn hér á Akureyri  sigraði FH 30-39.

Fyrsta umferð þriðja hluta N1 deildarinnar hefst nú í vikunni, Akureyri fær heimaleik gegn Stjörnunni og verður hann leikinn á föstudaginn klukkan 19:00. Akureyri er sem kunnugt er komið í 2. sæti N1 deildarinnar eftir magnaðan sigur á HK í síðustu umferð og ákaflega mikilvægt að halda áfram stemmingunni sem komin er í liðið og verja sætið.