Fréttir

6 fl. karla, eldra ár, var að keppa í Reykjavík um síðustu helgi og KA 1 vann 2. deild með glæsibrag unnu alla sína leiki og keppa í efstu deild á næsta móti. KA 2 unnu alla sína leiki nema einn og voru í 2. sæti í sinni deild. Hannes Pétursson sendi síðunni mynd af gulldrengjunum. Heimasíðan óskar strákunum til hamingju með þennan árangur!

Leikið var í KA heimilinu og Íþróttahöllinni. Nú liggja öll úrslit mótsins fyrir en leikið var í þrem styrkleikaflokkum stelpna og sömuleiðis þrem flokkum stráka. Úrslit allra leika og röð liða liggur nú fyrir og hægt að nálgast þau á síðu mótsins. Smelltu hér til að sjá síðu mótsins.

Föstudaginn 8. október verður haldinn foreldrafundur í KA heimilinu vegna 4. flokks kvenna. Fundurinn er settur á  klukkan 17:00 Farið verður yfir ferðatilhögun vetrarins, mótafyrirkomulag og önnur málefni.  Foreldrar sem ekki sjá sér fært að mæta eru vinsamlegast beðnir um að hafa samband við Stefán í síma 868-2396 eða senda tölvupóst á stebbigje@simnet.is Kv. Kara og Stefán 

Foreldrafundur verður haldinn næstkomandi fimmtudag 30. september klukkan 20:00 í KA heimilinu. Vonumst til að sjá sem flesta. Þjálfarar 6. flokks kvenna. Kolbrún Gígja Einarsdóttir S. 8485144   Heimir Sigurðsson S. 6625093

Unglingaráð handboltans var að gefa út fyrsta fréttabréf haustsins. Þar er fjallað um starfið framundan, fundahöld og keppnisferðir, greint frá æfingagjöldum o.fl.

Stelpurnar í 4. flokk kvenna spiluðu á niðurröðunarmóti Íslandsmótsins nú um helgina.  Stelpurnar spiluðu þrjá leiki og töpuðust tveir af þeim en einn leikur vannst.  Á föstudag spiluðu stelpurnar við lið Fram og fór hann 14-12 fyrir Fram. KA/Þór byrjaði ákaflega illa og komust Fram stelpur í þægilegt forskot. Í síðari hálfleik var allt annað upp á teningnum og minnkuðu KA/Þór stelpur muninn jafnt og þétt og fengu nokkur tækifæri til að jafna leikinn en það gekk ekki upp og eins og áður sagði vann Fram með tveimur mörkum.

Það  þurfti að gera nokkrar breytingar á æfingatöflu handboltans sem var birt á dögunum. Gerðar voru breytingar á æfingum 4. flokks stúlkna og drengja, unglingaflokkum karla og kvenna svo og meistaraflokki kvenna. Ný tafla hefur tekið gildi og hvetjum við alla til að kynna sér hana.  Vonandi sjáum við sem flesta, hressa og káta eftir gott sumar, öllum er velkomið að koma og prófa. Fréttabréf um starf vetrarins verður sett inn á síðuna síðar. Smelltu hér til að skoða æfingatöfluna.

Þá er fyrsta  vika handboltatímabilsins liðin og er mæting á æfingar mjög góð, gaman að sjá hvað bæði strákar og stelpur eru áhugasöm og hafa gaman  á æfingum.  Allir krakkar eru velkomnir að koma og prófa.  Í vetur ætlum við að reyna að setja upplýsingar um starfið hér á heimasíðu KA og verður þá vonandi auðveldara að fylgjast með því sem er að gerast  hjá okkur. Nú er einmitt tíminn sem menn eru að velta fyrir sér kaupum á innanhússkóm.  Skórnir frá síðasta vetri orðnir of litlir, þó þeir séu svo til óslitnir og dýrt að kaupa nýja.  Við ætlum því að bjóða upp á skiptimarkað með innanhússkó , næstkomandi laugardag.

Hér er tilkynning til 4. fl. karla í handbolta: Fundur verður haldin í KA - Heimilinu n.k. miðvikudag kl 17:00 í KA - Heimilinu. Það er mjög mikilvægt að allir mæti. Látið fundarboðið berast! Þeir sem ekki sjá sér fært að mæta skulu hafa samband við undirritaðan. Jóhannes Bjarnason GSM: 6623200

Dagana 24. og 25. september verður Kjarnafæðismótið í handbolta haldið en mótið er ætlað meistaraflokki kvenna. Mótið verður haldið í KA - heimilinu en einnig verður þar haldin grillveisla ásamt verðlaunafhendingu á laugardagskvöldinu. Aðstandendur mótsins eru farnir að taka á móti skráningum. Það er Jóhannes G. Bjarnason, Jói Bjarna, sem veitir frekari upplýsingar og tekur við skráningum í síma 6623200 eða á netfanginu joigb@akmennt.is. Hægt verður að gista í KA - heimilinu og ekkert þáttökugjald verður á mótið.