Cristian Martinez til KA

Við bjóðum Cristian velkominn! (mynd:fotbolti.net)

Cristian Martinez Liberato hefur gert 2 ára samning við KA. Cristian er 28 ára markvörður frá Spáni en hann hefur spilað síðustu 3 ár með Víking Ólafsvík og verið lykilmaður í liði þeirra á þeim tíma en hann var valinn besti leikmaður liðsins á síðustu tveimur tímabilum. Cristian lék alls 66 leiki með Víkingum og þekkir því íslenska boltann vel.

Cristan er væntanlegur seinnipartinn í janúar og bjóðum við hann hjartanlega velkominn í gult og blátt. Þess má geta að Cristian er fyrsti spænski leikmaðurinn til að leika með KA. Hér má sjá skemmtilegt myndband sem KA-TV tók saman um þennan nýjasta liðsmann félagsins.