Fréttir

Nú er komið að því að ganga frá æfingagjöldum vetrarins.    Töluvert margir byrjuðu að æfa í janúar þegar EM stóð sem hæðst, og er það vel, nú viljum við biðja foreldra þessara barna að ganga frá æfingagjöldum fram á vorið.  Gjaldið fyrir þá sem byrjuðu í janúar er sem hér segir.

Meistara- og 3. flokkur kvenna hefur WC-pappír til sölu til styrktar starfinu í vetur.  48 úrvalsrúllur í pakka kosta 6.000 kr. Hægt er að kaupa pappírinn með því að hafa samband við einhverja stelpuna í meistaraflokki eða 3.flokki eða eftirtalda stjórnarmenn:    Kristveig Atladóttir         s: 862-3318    Sigríður Ingvarsdóttir     s: 820-6745    Erlingur Kristjánsson      s: 690-1078 Kaupið besta pappírinn og styðjið starfið hjá okkur !

Klístursdolla meistaraflokks kvenna hvarf úr boltapokanum í andyri KA heimilis á mánudaginn.  Ef einhver hefur upplýsingar um dolluna er hann vinsamlega beðin að láta Stefán Guðnason ( stebbigje@simnet.is GSM: 868-2396) aðstoðarþjálfara meistaraflokks vita. Ef einhver hefur dolluna undir höndum má skila henni í afgreiðsluna í KA heimilinu.

Nú er að koma að Húsavíkurferð 7. flokks en Völsungur hefur boðið okkur og Þórsurum að koma og spila við þá æfingaleiki. Ekki eru allar upplýsingar komnar í hús en áætlunin er að fara með rútu um kl. 8:30, spila handbolta frá kl. 10:00 – 12:00, fara á pizzuhlaðborð, í sund og ís og svo heim. Ekkert þarf að borga fyrir rútuna þar sem unglingaráð KA sér um hana (Samherjastyrkur) en kostnaður við pizzu, sund og ís er 1.000 kr.

Á laugardaginn mættust KA/Þór og Víkingur í Víkinni og fóru stelpurnar í KA/Þór með öruggan fjórtán marka sigur, 22-36. Í hálfleik var munurinn orðinn tíu mörk, 7-17 og ljóst í hvað stefndi. Arna Valgerður Erlingsdóttir skoraði 8 mörk fyrir KA/Þór, Arndís Heimisdóttir skoraði 6 mörk og þær Katrín Vilhjálmsdóttir og Martha Hermannsdóttir komu næstar með 5 mörk hvor.

Næstkomandi laugardag eiga bæði lið KA í 3. flokki karla heimaleiki, KA2 spilar við Þrótt og teljum við að þetta gæti orðið hörkuleikur strákarnir hafa verið að bæta sig jafnt og þétt í vetur. Leikurinn hefst kl:15.00.

Stelpurnar í KA/Þór fá erfitt verkefni að glíma við á laugardaginn þegar þær halda suður og mæta Fram klukkan 15:00. Leikið er í Framhúsinu í Safamýrinni.

Það var fyrirfram vitað að það yrði á brattann að sækja fyrir lið KA/Þór í kvöld þegar Valskonur mættu á svæðið, eina taplausa liðið í boltanum í dag. Valur tók leikinn þegar í sínar hendur og náðu fljótlega öruggri forystu ekki síst með öflugri vörn sem skilaði þeim aragrúa hraðaupphlaupa sem skiluðu ódýrum mörkum.

Það verður enginn smáleikur í KA heimilinu á þriðjudagskvöldið þegar stelpurnar í KA/Þór taka á móti stórliði Vals í N1 deild kvenna. Valskonur hafa ekki tapað leik það sem af er tímabilsins og eru fyrir vikið heldur óárennilegar.

Næstkomandi miðvikudag verður stórleikur í KA heimilinu klukkan 19:15. Þá eigast við KA1 - Þór í derby leik. KA1 liðinu hefur gengið mjög vel það sem af er vetri og ætla svo sannarlega að halda áfram á þeirri braut.