Fréttir

Æfingar hjá leikskólahópum hefjast aftur eftir sóttvarnarhlé laugardaginn 21. nóvember 2020. Forsenda þess að æfingar geti hafist er að foreldrar komi ekki inn í húsið. Við verðum því með "móttökunefnd" í forstofunni sem tekur á móti krökkunum og kemur þeim inn í æfingasalinn og skilar þeim aftur í forstofuna að æfingu lokinni. Yngstu krakkarnir verða merkt með símanúmeri foreldra til að auðveldara verði að ná í foreldra ef eitthvað kemur upp á og þau fá heimþrá. Við biðjum foreldra að leggja bifreiðum í stæði þegar krakkarnir eru sótt og koma og sækja þau að forstofunni til að koma í veg fyrir slysahættu á bílaplaninu. Við vonum að krakkarnir treysti sér til að koma á æfingu þó foreldrar verði að bíða fyrir utan og allir verði glaðir að tíma loknum.

Félagsmálaráðuneytið hefur opnað fyrir umsóknir á íþrótta- og tómstundastyrkjum fyrir börn sem koma frá tekjulágum heimilum. „Covid-19 faraldurinn hefur haft gríðarleg áhrif á allt íþrótta- og tómstundastarf í landinu. Þegar þrengir að fjárhag fjölskyldna er mikil hætta á að þær dragi úr þátttöku barna í íþrótta- og tómstundastarfi,“ segir Ásmundur Einar Daðason, félags- og barnamálaráðherra. Félagsmálaráðuneytið hefur nú opnað fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum. Markmiðið með þeim er að jafna tækifæri barnanna til þátttöku í skipulögðu íþrótta- og tómstundastarfi. Styrkirnir koma til viðbótar hefðbundnum íþrótta- og tómstundastyrkjum sveitarfélaga. Alls verður um 900 milljónum króna varið í verkefnið árin 2020 og 2021.

Félagsmálaráðuneytið hefur opnað fyrir umsóknir á íþrótta- og tómstundastyrkjum fyrir börn sem koma frá tekjulágum heimilum.

Á morgunn fimmtudaginn 19. nóvember hefjast æfingar að nýju eftir að sóttvarnarreglur voru rýmkaðar. Fimleikahúsinu hefur verið skipt í fjögur hólf og skv. Nýjum sóttvarnarreglum mega aðeins 25 iðkendur í 5. -10 bekk vera í hverju hólfi að viðbættum tveim þjálfurum og 50 iðkendur í 1. -4. bekk að viðbættum tveim þjálfurum. Iðkendur 16 ára og eldri eru ennþá í æfingabanni. Mikilvægt er að fylgjast vel með Sportabler því einhverjar æfingar geta færst til í stundatöflu næstu daga og vikulegur æfingatími stytts. Öll skilaboð frá þjálfurum fara fram í gegnum Sportabler. Við munum nota 3 innganga inn í húsið svo vinsamlegast kynnið ykkur mynd af skiptingunni og hvaða inngangur á við um ykkar barn.

Æfingar fyrir börn fædd 2005 og síðar hefjast samkvæmt æfingatöflu á morgun miðvikudag 18. nóv. Júdóæfingar barna mega hefjast aftur, samkvæmt nýrri reglugerð sem tekur gildi á morgun 18. nóv. Verður börnum fæddum 2005 og síðar heimilt að mæta aftur til æfinga. Gunni og Berenika eru full tilhlökkunar og klár í að taka við krökkunum, líkleg tilbúin með ný tök og jafnvel köst líka.

Í ljósi þess að FSÍ var rétt í þessu að gefa út nýjar vinnureglur sem ÍSÍ hefur samþykkt þá þurfum við að nýta morgundaginn sem starfsdag og undirbúnings fyrir æfingar sem hefjast á fimmtudaginn. Vinsamlegast athugið að stundaskrá gæti riðlast meðan krafa um hólfaskiptingar og takmörkun á fjölda þjálfara í sal er til staðar. Reynt verður að koma öllum að í æfingum en þeir sem æfa mest gætu lent í að tímum fækki eithhvað. Vinsamlegast fylgist með á Sportabler hvenær æfingar eru.

Á morgun, miðvikudaginn 18. nóvember, hefjast æfingar yngriflokka á ný eftir Covid pásu. Börn og unglingar á grunnskólaaldri (1. til 10. bekkur) geta nú öll farið að æfa aftur og hvetjum við okkar frábæru iðkendur eindregið til að koma sér strax aftur í gírinn eftir pásuna undanfarnar vikur

Covid-19 setti heldur betur svip sinn á fótboltasumarið 2020 en þrátt fyrir það tókst KA að halda stöðugleika sínum og landa 7. sæti Pepsi Max deildarinnar. Sumarið var sögulegt en KA vann sinn 100 leik í efstu deild er liðið vann 2-4 útisigur á Gróttu og jafnaði þar að auki metið yfir flest jafntefli á einu tímabili þrátt fyrir að enn væru fjórir leikir eftir er tímabilinu var aflýst

Við óskum þeim KA félögum sem eiga stórafmæli í nóvember innilega til hamingju.

Knattspyrnudeild KA og Branislav Radakovic hafa skrifað undir nýjan eins árs samning og verður Branislav því áfram markmannsþjálfari karlaliðs KA