Fréttir

Einn af stærstu leikjum Mizunodeildar karla í blaki fer fram í KA-Heimilinu á miðvikudaginn þegar KA tekur á móti HK. Liðin börðust um Íslandsmeistaratitilinn á síðustu leiktíð þar sem KA vann í hreinum úrslitaleik eftir svakalega baráttu

KA vann frábæran 31-27 heimasigur á FH í gær í Olís deild karla. KA leiddi leikinn frá upphafi og var sigurinn í raun ansi sannfærandi. Stemningin í KA-Heimilinu var stórkostleg og ljóst að fá lið standast liðinu snúning þegar bæði strákarnir sem og stuðningsmenn KA eru í slíkum ham

KA tók á móti FH í Olís deild karla í dag en fyrir leikinn voru FH-ingar í toppbaráttunni með 11 stig og höfðu ekki tapað síðustu fimm leikjum sínum. KA liðið var hinsvegar enn í leit að fyrsta heimasigri sínum í vetur og má með sanni segja að strákarnir hafi verið staðráðnir í að sækja hann í dag

Það eru ansi mikilvæg 2 stig í húfi þegar KA tekur á móti FH í Olís deild karla á sunnudaginn klukkan 17:00. Strákarnir hafa verið að sækja mikilvæg stig í síðustu leikjum en þurfa að halda áfram stigasöfnun sinni og þá sérstaklega á heimavelli

KA/Þór á þrjá fulltrúa í U16 og U18 ára landsliðshópum Íslands í handbolta sem munu æfa dagana 22.-24. nóvember næstkomandi. Helga María Viðarsdóttir og Rakel Sara Elvarsdóttir voru valdar í U18 ára landsliðið og Hildur Lilja Jónsdóttir var valin í U16 ára hópinn

KA/Þór sótti ógnarsterkt lið Fram heim í dag í Olís deild kvenna. Leikurinn var fyrsti leikurinn í annarri umferð deildarinnar en fyrir leikinn var Fram í 2. sæti með 12 stig en KA/Þór í 4. sæti með 8 stig. Fyrirfram var búist við ansi erfiðu verkefni og það varð svo sannarlega raunin

Ungmennalið KA sótti Þórsara heim í Höllina í Grill 66 deild karla í gærkvöldi í alvöru bæjarslag. Þórsarar sem ætla sér uppúr deildinni voru taplausir fyrir leikinn en á sama tíma hafði hið unga KA lið sýnt flotta takta það sem af var vetri og var því búist við hörkuleik

Það er heldur betur krefjandi verkefni framundan hjá KA/Þór í dag þegar liðið sækir Fram heim klukkan 14:00. Framarar hafa gríðarlega sterku liði á að skipa en stelpurnar okkar hafa unnið síðustu þrjá leiki sína og mæta því fullar sjálfstrausts í leikinn

Knattspyrnudeild KA framlengdi í dag samninga sína við þá Áka Sölvason og Tómas Veigar Eiríksson. Báðir eru þeir uppaldir hjá félaginu og eru þetta afar jákvæðar fréttir en strákarnir eru flottir karakterar og miklir félagsmenn

Karen María Sigurgeirsdóttir leikmaður Þórs/KA gerði sér lítið fyrir og skoraði glæsilegt mark fyrir U19 ára landslið Íslands í knattspyrnu sem lagði Svía tvívegis að velli í æfingaleikjum í vikunni. Báðir leikirnir fóru fram í Fífunni í Kópavogi