Fréttir

Kvennalið KA leikur í kvöld sinn fyrsta leik í fyrstu deild í tvö ár en KA mætir liði þróttar Reykjavík og fer leikurinn fram í íþróttahúsi kennaraháskólans kl. 22.00.  KA hefur undanfarin tvö ár byggt upp nýtt lið frá grunni og er hefur kjarni liðsins æft með KA upp í gegn um alla yngriflokka félagsins í 6-7 ár.  Liðið hefur einnig fengið til sín góðan liðsstyrk frá Bjarma í Þingeyjarsveit.

U-19 landsliðið spila annan leik sinn í undankeppni evrópu mótsins nú fyrr í dag, okkar menn Andri Fannar og Haukur Heiðar spiluðu báðir allan leikinn í markalausu jafntefli, gegn Norður írum. Samkvæmt heimildum voru Íslendingar mikið mun betri í leiknum og voru óheppnir að senda tuðruna ekki í netið en fengu til þessa aragrúa af færum, en þar á meðal átti Andri fannar skot í stöng.

Okkur hafa borist ljósmyndir frá Vikudegi úr leik KA/Þór gegn Fram frá síðasta þriðjudegi. Við færum Kristjáni hjá Vikudegi þökk fyrir myndirnar.

Andri Fannar Stefánsson og Haukur Heiðar Hauksson voru báðir í byrjunarliði í dag, þegar U-19 tapaði naumlega fyrir Bosníu, í undankeppni EM. lokastaðan var 1-0, en Andri og Haukur þóttu báðir standa sig feikna vel í leiknum. Næsti leikur er við Norður Íra á föstudaginn, svo er seinasti leikurinn gegn Bulgaríu næst komanid mánudag.

KA/Þór og Fram mættust í kvöld í KA-heimilinu í 1. umferð N1 deildar kvenna í handbolta. Fram er spáð Íslandsmeistaratitlinum á ár en KA/Þór 8. sætinu.  Akureyrarstelpurnar báru þó enga sérstaka virðingu fyrir meistaraefnunum og komu öflugar til leiks og náðu 3-1 forystu í upphafi leiksins.

Nú í hádeginu var birt spá formanna, fyrirliða og þjálfara liðanna í N1 deildinni um gengi liðanna í vetur. Þar er Fram spáð titlinum en KA/Þór 8. sætinu af þeim níu liðum sem spila í N1-deild kvenna. Það er því alvöruleikur sem í KA heimilinu á morgun þegar KA/Þór tekur á móti meistaraefnunum í Fram. Spáin fyrir N1 deild kvenna lítur þannig út:

Þau gleðitíðindi bárust í dag að KA á 3 menn í liði ársins í 1. deild en valið var kunngjört síðdegis í dag. Haukur Heiðar var í hópi bestu varnarmanna, David Diszlt (dobbúl D) var í hópi bestu sóknarmanna og besti markvörðurinn var að sjálfsögði Sandor Matus. Við óskum Hauki, David og Sandori til hamingju með þetta! Það má lesa nánar um þetta á fotbolti.net.

Í dag fór fram sterkt júdómót í Þrándheimi í Noregi.  KA átti þar einn keppanda, Björn Harðarson (Blöndal).  Hann keppti í -73kg. flokki og sigraði alla andstæðinga sína á ippon og vann því til gullverðlauna.  Björn starfar sem verkfræðingur í Noregi og keppti að sjálfsögðu undir merkjum KA á mótinu eins og hann hefur alltaf gert, en hann er margfaldur Íslandsmeistari í júdó.

Á morgun 1.október hefjast æfingar hjá yngri flokkum í Boganum. Yngri flokkarnir hafa lang flestir verið í fríi síðan um mánaðarmótin ágúst/september og því tilvalið að fara að hefja leik að nýju. Þeir árgangar sem voru á eldra ári í sínum flokk í sumar færast nú í næsta flokk fyrir ofan.

Andri Fannar Stefánsson og Haukur Heiðar Hauksson hafa aftur verið kallaðir í verkefni með U-19 landsliðinu, en í þetta sinn ferðast landsliðið alla leið til Bosníu og dvelja þar dagana 7. - 12. október, En ferðinn er liður í undankeppni EM, og mun liðið etja kappi við heimamenn í Bosníu, Norður Íra og Búlgaríu.