Fréttir

Okkar menn voru greinilega ekki alveg stemmdir fyrir leikinn í kvöld, sem tapaðist því miður með þremur mörkum Þórsara gegn tveim mörkum frá okkur. KA liðið byrjaði ekki vel og komust vinir okkar í Þór í 2-0 snemma leiks. Við minnkuðum svo muninn um miðjan fyrri hálfleik, jöfnuðum um miðjan seinni hálfleik en við sóttum stíft í seinni hálfleik. Það var svo á loka mínótum leiksins sem Þórsararnir tryggðu sér sigurinn með þriðja markinu.

Vegna "ólýsanlegra" aðstæðna verður engin bein lýsing frá leiknum í kvöld, því miður. Við bendum á að góðvinir okkar í Þór munu lýsa leiknum en þess má vænta að hún verði eilítið lituð í röngum lit og því gæti það farið í taugatrekta menn sem ekki geta mætt á völlinn. Svo er alltaf klassískt að finna sér einhvern góðan til að hringja í! Við biðjumst velvirðingar á þessu! Þið finnið slóðina á heimasíðu Þórs væntanlega á Google ef þið hafið áhuga...:)

Miðvikudagskvöldið næstkomandi fer fram stærsti knattspyrnuleikur ársins, þegar Þórsarar taka á móti okkur KA mönnum, en leikurinn er meðal annars stór að því leytinu til að nýr og glæsilegur völlur Þórs verður notaður undir knattspyrnu í fyrsta sinn, leikurinn hefst kl 19:15 og verður leikinn á Íþróttavellinum við Hamar

Vinir Sagga, stuðningsmanna klúbbur KA, ætla að grilla á flötinni beint á móti Þórssvæðinu, eða frjálsíþróttasvæðinu við Skarðshlíð eins og þeir vilja kalla það. Hefst grillið klukkan 17:30 og eru allir KA menn hvattir til þess að mæta og hita sig upp fyrir leikinn og taka þátt í gleðinni. Öllum verður boðið uppá pylsu og gos. Svo verður þrammað inn á völl og vinir okkar í þorpinu fá þá vonandi að kenna á því, bæði í stúkunni og á vellinum. Hægt er að lesa skemmtilega fréttatilkynningu fá Vinum Sagga með því að smella á "Lesa meira".

Í dag tóku KA-menn á móti Selfyssingum sem voru fyrir leikinn í efsta sæti deildarinnar með sex stiga forystu. Okkar menn sýndu styrk sinn og fóru með sannfærandi 2-0 sigur af hólmi!

Vinir Sagga ætla að hittast á DJ Grill á morgun kl. 12 fyrir leikinn sem hefst svo tveimur tímum síðar.

Laugardaginn næst komandi verður sannkallaður stórleikur á Akureyrarvelli þegar KA tekur á móti toppliði Selfoss. Leikurinn byrjar kl 14:00 og eru allir KA menn, gamlir sem ungir hvattir til að mæta og styðja liðið í þessum mjög mikilvæga leik.

Í kvöld tóku KA –menn á móti HK í vægast sagt leiðinlegu veðri á Akureyrarvelli,það var kalt, norðan áttin var alls ráðandi og ekki bætti úr skák að rigning gerði vart við sig.

Þessa stundina eru 43 stelpur frá KA að leika á Símamótinu sem fram fer í Kópavogi. Ásamt stelpunum eru 2 þjálfarar og fullt af fararstjórum og ekki má gleyma foreldrum. Þjálfarnir eru Egill Ármann Kristinsson sem er með 24 stelpur úr 6.fl og Aðalbjörn Hannesson sem er með 19 stelpur í 5.fl á mótinu

Þorlákur Árnason þjálfari U17 ára landsliðs kvenna hefur valið tvo 18 manna hópa til að spila tvo æfingaleiki á móti Færeyjum. KA á tvo fulltrúa að þessu sinni og eru það markmaðurinn Helena Jónsdóttir og varnarmaðurinn Ágústa Kristinsdóttir, en þær báðar eru fæddar 1994.