Fréttir

Fyrsti tapleikurinn á tímabilinu var staðreynd s.l. föstudag og fyrsti tapleikurinn á heimavelli varð staðreynd í kvöld þegar okkar menn töpuðu fyrir HK. Með sigri hefðum við væntnalega skotist í annað sæti deildarinnar en við sitjum nú í því fimmta með 17 stig. Lokatölur leiksins voru 1 - 3. Nánari umfjöllun og myndbönd af mörkum leiksins væntanleg síðar. Næsti leikur er svo gegn Selfyssingum sem sitja á toppi deildarinnar með 26 stig á laugardaginn kl 14:00. Við hvetjum alla KA menn til að mæta á þennan leik sem er gríðarlega mikilvægur! Mörkin í leiknum. 1-0 David Disztl ('37) 1-1 Ásgrímur Albertsson ('46) 1-2 Almir Cosic ('60) 1-3 Rúnar Már Sigurjónsson ('75)

Vinir Sagga ætla að sjálfsögðu að mæta galvaskir á leikinn gegn HK á þriðjudag og ætla þeir að hita upp saman á DJ Grill.

Þriðjudagskvöldið 14. júlí taka KA-menn á móti HK-ingum, Leikurinn byrjar kl 19:15 og að vanda verður leikið á Akureyrarvelli.

KA lék í 10. umferð 1. deildar karla í kvöld við Viking í Reykjavík. Fyrir leikinn voru KA menn í 3. sæti og áttu möguleika á að komast upp fyrir Hauka í 2. sætið með sigri á heimamönnum sem aftur voru í 10. sæti.

Bæði karla og kvennalið IBA stóðu sig með ágætum á landsmóti UMFÍ sem fór fram á Akureyri um helgina.  Kvennaliðið tók silfrið og karlaliðið bronsið.  Blakliðin náðu í 170 stig fyrir ÍBA en ÍBA vann stigakeppnina með glæsibrag með 1819 stig. Blakið var í 3. sæti af einstökum íþróttagreinum innan ÍBA á eftir sundinu og golfinu frábær árangur það.

Hér í pdf skjali er hægt að nálgast yfirlit yfir allar viðureignir mótsins.  Athugið að þessar upplýsingar eru skráðar eftir mótið og eru settar fram með fyrirvara. Villur geta hafa slæðst inn við gerð hennar. Úrslit viðureigna á Landsmóti UMFÍ Myndir frá landsmótinu (Ljósmyndari: Karl Frímannsson).

Hér er hægt að úrslit í júdómótinu á Landsmóti UMFÍ 2009.    Úrslit  - Landsmót UMFÍ 2009 (excell skjal) Stigakeppni félaganna Íþróttabandalag Akureyrar 143 Íþróttabandalag Reykjavíkur 41 Ungmennafélag Grindavíkur 34 Ungmennasamband Eyjafjarðar 29 Ungmennafélag Njarðvíkur 9 Nánari úrslit og myndir koma bráðlega

Okkar menn þurftu því miður að líta í lægri hlut gegn Víkingum í kvöld. Lokatölur leiksins voru 1 mark Víkinga gegn engu frá okkur. Nánari umfjöllun er að vænta síðar. Þess má geta að leiknum var lýst í beinni á Vefútvarpi KA sem var sett af stað í gær. Þökkum frábærar viðtökur en geysi mikil hlustun mældist þetta fyrsta kvöld og fór hún fram úr björtustu vonum.

Í kvöld er gerð tilraun með beina lýsingu í Vefútvarpi KA. Sent er út frá viðureign Víkings og KA sem fram fer í Víkinni í Reykjavík. Hlustaðu með Windows Media Player með að smella hér Hlustaðu með Winamp með því að smella hér Hlustaðu með iTunes með því að smella hér

Á morgun, föstudaginn 10.júlí fara KA menn suður og mæta Víkingum í Fossvoginum. Leikurinn hefst klukkan 20:00 á Víkingsvelli. KA menn í Reykjavík ætla að hita upp fyrir leikinn og hittast á veitingastaðnum á Sprengisandi, Pizza Hut klukkan 19:00. Við hvetjum alla KA menn að mæta.