Fréttir

Þau gleðitíðindi bárust í dag að KA á 3 menn í liði ársins í 1. deild en valið var kunngjört síðdegis í dag. Haukur Heiðar var í hópi bestu varnarmanna, David Diszlt (dobbúl D) var í hópi bestu sóknarmanna og besti markvörðurinn var að sjálfsögði Sandor Matus. Við óskum Hauki, David og Sandori til hamingju með þetta! Það má lesa nánar um þetta á fotbolti.net.

Í dag fór fram sterkt júdómót í Þrándheimi í Noregi.  KA átti þar einn keppanda, Björn Harðarson (Blöndal).  Hann keppti í -73kg. flokki og sigraði alla andstæðinga sína á ippon og vann því til gullverðlauna.  Björn starfar sem verkfræðingur í Noregi og keppti að sjálfsögðu undir merkjum KA á mótinu eins og hann hefur alltaf gert, en hann er margfaldur Íslandsmeistari í júdó.

Á morgun 1.október hefjast æfingar hjá yngri flokkum í Boganum. Yngri flokkarnir hafa lang flestir verið í fríi síðan um mánaðarmótin ágúst/september og því tilvalið að fara að hefja leik að nýju. Þeir árgangar sem voru á eldra ári í sínum flokk í sumar færast nú í næsta flokk fyrir ofan.

Andri Fannar Stefánsson og Haukur Heiðar Hauksson hafa aftur verið kallaðir í verkefni með U-19 landsliðinu, en í þetta sinn ferðast landsliðið alla leið til Bosníu og dvelja þar dagana 7. - 12. október, En ferðinn er liður í undankeppni EM, og mun liðið etja kappi við heimamenn í Bosníu, Norður Íra og Búlgaríu.

Fimtudaginn síðastliðinn tóku strákarnir í 2.flokki á móti Fram, en strákunum náði jafntefli úr leiknum til að tryggja sæti sitt í deildinni á meðan Fram þurfti nauðsynlega öll stigin til að bjarga sér frá falli. Fyrri hálfleikur var frábær hjá KA, og var það efnilegasti leikmaður KA þetta sumarið Hallgrímur Mar sem skoraði 2 mörk áður en Andri Fannar skoraði 1, og því stóðu KA menn vel að vígji fyrir seinni hálfleikinn, 3-0 yfir og sæti í deildinni að ári nánast tryggt, lítið gerðist í seinni hálfleik en þó náðu Framarar að setja eitt og því urðu lokatölur 3-1, og sæti í A-deildinni að ári tryggt.

Ómar Friðriksson var í byrjunarliði U17 ára landsliðsins sem tapaði fyrir Wales í fyrsta leik liðsins í undanriðli EM 2010 sem fram fer í Wales.

Haustmót JSÍ fór fram um síðustu helgi.  KA átti 8 keppendur á mótinu og unnu þeir til 1 gullverðlauna, 3 silfurverðlauna og 1 bronsverðlauna.  Frammistaða þeirra var eftirfarandi:

Haustmót BLÍ var haldið um helgina í Fagralundi í Kópavogi hjá HK. Mótið var hið glæsilegasta og var spilað í tveimur deildum í kvennaflokki og einni deild í karlaflokki. Alls tóku 26 lið þátt í mótinu.  Karlalið KA gerði sér lítið fyrir og vann karladeild mótsins.  Kvennalið KA hafnaði í 3 sæti í 2. deild mótsins.

Lokahóf knattspyrnudeildar var haldið á Hótel KEA s.l. laugardagskvöld þar sem sumarið var gert upp af leikmönnum, stjórnarmönnum og stuðningsmönnum. Viðurkenningar voru veittar fyrir efnilegasta leikmanninn sem var valinn Hallgrímur Steingrímsson og fyrir besta leikmanninn sem var valinn Haukur Heiðar Hauksson. Haukur Heiðar var einnig valinn "Móði" ársins af Vinum Móða, stuðningsmannafélagi KA. Dean Martin þjálfari var valinn "Saggi" ársins af Vinum Sagga sem eru yngri stuðningsmenn félagsins.

Miðvikudaginn 23. september fór fram í KA heimilinu grunnskólamót í handbolta fyrir 5-6 bekk.  Um 200 krakkar mættu til leiks bæði strákar og stelpur, vanir og óvanir, frá flestum skólunum í bænum.  Að sögn skipuleggjenda, Jóa Bjarna og Sævars Árna, fór þátttakan fram úr björtustu vonum og varð úr hin besta skemmtun fyrir krakkana.