Fréttir

Blakdeild KA í samvinnu við Icelandic Summer Games verður með blakmót í Kjarnaskógi um verslunarmannahelgina. Mótin eru tvö og ættu því allir að geta tekið þátt í fjörinu og tilvalið að hreyfa sig aðeins um helgina í góðum félagsskap

Baráttan heldur áfram í Pepsi Max deild kvenna í kvöld þegar Þór/KA tekur á móti Fylki á Þórsvelli klukkan 18:00. Stelpurnar unnu tvo frábæra sigra í fyrstu tveimur leikjum sumarsins en hafa tapað síðustu þremur leikjum og eru staðráðnar í að koma sér aftur á beinu brautina

KA vann gríðarlega sætan og mikilvægan 1-0 sigur á Gróttu í gær á Greifavellinum en Steinþór Freyr Þorsteinsson gerði sigurmarkið á lokaandartökum leiksins og fögnuðurinn var eðlilega mikill í kjölfarið

Þór/KA sækir firnasterkt lið Selfoss heim í dag Pepsi Max deild kvenna. Liðin eru í 4. og 5. sæti deildarinnar fyrir leikinn en Þór/KA á leik til góða á Selfyssinga og getur með sigri lyft sér upp í 3. sætið, tímabundið hið minnsta

KA vann í dag sinn fyrsta sigur í sumar í Pepsi Max deildinni þegar að liðið hafði betur gegn nýliðum Gróttu á Greifavelli á Akureyri með sigurmarki á lokamínútu venjulegs leiktíma.

Það er heldur betur mikilvægur leikur á Greifavellinum í dag þegar KA tekur á móti Gróttu í Pepsi Max deild karla kl. 16:00 í dag. KA er með 3 stig eftir fyrstu fimm leiki sína í deildinni en nýliðar Gróttu eru með 4 stig eftir sex leiki

Handknattleiksdeild KA í samvinnu við Icelandic Summer Games verður með strandhandboltamót í Kjarnaskógi um verslunarmannahelgina. Mótið hefur slegið í gegn síðustu tvö ár og er stefnan sett á enn stærra og flottara mót í ár

Fimleikafélag Akureyrar er komið í sumarfrí fram yfir verslunarmannahelgi. Fimleikasalurinn er lokaður og því ekki hægt að fá hann leigðan út á meðan sumarfrí stendur yfir. Stjórn félagsins mun skoða töluvpósta af og til og svara erindum sem hafa borist. Erindi er snúa að innheimtu skulu berast á gjaldkeri@fimak.is

KA hefur samið við Arnar Grétarsson um að taka við sem þjálfari liðsins í Pepsi Max deild karla. Samningurinn við Arnar gildir út tímabilið.

Knattspyrnudeild KA og Óli Stefán Flóventsson hafa komist að samkomulagi um starfslok Óla hjá félaginu. Gengi KA það sem af er tímabili er ekki ásættanlegt og telja báðir aðilar nauðsynlegt að gera þessar breytingar til að liðið nái sér á strik og sýni sinn rétta styrk. Liðið náði fimmta sæti undir stjórn Óla Stefáns í fyrra sem er besti árangur félagsins síðan félagið kom aftur upp í deild hinna bestu á Íslandi. Stjórn Knattspyrnudeildar KA þakkar Óla Stefáni fyrir framlag sitt til félagsins og óskar honum velfarnaðar í framtíðinni. Félagið mun nú þegar skoða sín mál varðandi þjálfun liðsins og mun ekki tjá sig nánar um málið að svo stöddu.