Fréttir

Á morgun, mánudaginn 8. júní hefjast júdóæfingar. Æfingarnar verða með fremur óhefðbundnu sniði en aðeins einn aldursflokkur verður. Æfingar verða fyrir 11 ára (á árinu) og eldri þrisvar í viku. Æfingar verða á mánudögum, miðvikudögum og fimmtudögum frá kl. 17:15-18:30. Æfingar verða fríar í sumar en eingöngu fyrir þá sem hafa æft áður og kunna eitthvað í júdó.

Adam Brands Þórarinsson hefur nú ákveðið að hætta þjálfun. Adam hefur verið burðarás júdóíþróttarinnar á Akureyri í fjölmörg ár og þjálfað upp fjölmarga frábæra júdóiðkendur.

Ingvar Már Gíslason flutti ársskýrslu KA á aðalfundi félagsins sem fór fram á dögunum og við birtum hana hér í heild sinni. Árið 2019 var heldur betur stórt fyrir okkur KA-menn og unnust sætir sigrar á vellinum á sama tíma og deildir félagsins héldu áfram að stækka

Í dag tilkynnti Arnar Pétursson þjálfari kvennalandsliðs Íslands í handbolta 22 manna æfingahóp sem hefur undirbúning fyrir forkeppni HM. Landsliðið átti að spila gegn Tyrklandi í mars en þeim leikjum var frestað vegna Covid-19 ástandsins og næsta verkefni er því forkeppni HM

Fimleikafélag Akureyrar óskar eftir að ráða þjálfar til vinnu næsta vetur. Félagið leitar að almennum þjálfurum i tímavinnu ásamt fastráðnum fagþjálfurum í bæði hópfimleika og áhaldafimleika. Vinnutími er að mestu eftir kl. 14 á daginn. FIMAK er eitt af þremur stærstu íþróttafélögum á Akureyri og telur rúmlega 500 iðkendur. Marakmið félagsins er að efla árangur í fimleikum ásamt því að hvetja til almennrar íþróttaiðkunnar án áherslu á keppni. Félagið er með aðsetur í Íþróttamiðstöðinni við Giljaskóla.

Fimleikafélag Akureyrar óskar eftir að ráða framkvæmdastjóra i 60% starf. Möguleiki að fara í fullt starf með þjálfun í sal samhliða. Vinnutími eftir samkomulagi. FIMAK er eitt af þremur stærstu íþróttafélögum á Akureyri og telur rúmlega 500 iðkendur. Umsóknafrestur rennur út 15. júní 2020.

Handboltaskóli HSÍ fyrir efnilega handboltakrakka fædd árið 2007 fór fram um síðustu helgi. Alls voru fjórir strákar úr KA valdir og fjórar stelpur úr KA/Þór og fór því ansi mikið fyrir okkar fulltrúum á svæðinu. Handboltaskólinn er undanfari hæfileikamótunar HSÍ og er frábær undirbúningur fyrir yngri landslið Íslands

KA á alls sex fulltrúa í æfingahópum U16 ára landsliðs Íslands í handbolta. Valdir voru tveir hópar sem munu æfa helgina 12.-14. júní næstkomandi. Hópunum er skipt upp eftir fæðingarári (2004 og 2005) en þjálfarar landsliðsins eru þeir Halldór Jóhann Sigfússon og Kári Garðarsson en báðir eru þeir uppaldir KA-menn

Í sumar býður FIMAK upp á sumarnámskeið í parkour fyrir iðkendur á aldrinum 9-12 ára (2008 - 2011). Æfingar verða á miðvikudögum og föstudögum kl. 13:00 – 14:30

Við óskum þeim KA félögum sem eiga stórafmæli í júní innilega til hamingju.