Fréttir

Við óskum þeim KA félögum sem eiga stórafmæli í ágúst innilega til hamingju.

Fimleikafélagið hefur ráðið til starfa Ólöfu Línberg Kristjánsdóttir á skrifstofu félagsins. Ólöf mun einnig koma inn í þjálfun. Ólöf er uppalin hjá Fimleikafélaginu og æfði fimleika til fjölda ára og þjálfaði einnig hjá okkur nokkur ár áður en hún fór suður í nám í íþróttafræði. Ólöf úskrifaðist með B.Sc í Íþróttafræði frá HR 2015 og hefur undanfarin ár gegnt starfi framkvæmdastjóra fimleikadeildar Gróttu á Seltjarnarnesi. Það er mikill fengur fyrir okkur að hafa fengið Ólöfu norður sem mun hefja störf 1. ágúst.

KA Podcastið heldur áfram göngu sinni og að þessu sinni fær hann Hjalti Hreinsson þá Ívar Örn Árnason og Halldór Jón Sigurðsson (Donna) í skemmtilegt spjall. Bæði KA og Þór/KA unnu leiki sína um helgina og voru þeir félagar því eðlilega léttir og glaðir í spjallinu í Árnastofu

KA tók á móti FH á Greifavellinum í gær í 14. umferð Pepsi Max deildar karla. Fyrir leikinn var KA í 10.-11. sæti og þurfti því á stigi eða stigum að halda. Það var einnig pressa á gestunum sem sátu í 7. sætinu og ljóst að um hörkuleik yrði að ræða

Þór/KA tók á móti ÍBV í 12. umferð Pepsi Max deildar kvenna um helgina. Það vantaði nokkra stóra pósta í okkar lið en þrátt fyrir það voru stelpurnar staðráðnar í að sækja sigurinn enda baráttan í deildinni gríðarlega jöfn og ljóst að hvert stig mun skipta sköpum þegar upp er staðið

Sveinn Margeir Hauksson skrifaði rétt í þessu undir samning við KA sem gildir út keppnistímabilið 2022 en KA og Dalvík hafa náð saman um félagaskipti leikmannsins. Sveinn Margeir mun þó klára núverandi tímabil með Dalvík á láni frá KA

Það er risaleikur á Greifavellinum á sunnudaginn þegar strákarnir taka á móti FH. 13 umferðir eru búnar í Pepsi Max deildinni og má með sanni segja að mikil spenna sé framundan. KA liðið er í 10.-11. sæti með 13 stig en FH er í 6. sætinu með 19 stig. Sigur á sunnudaginn myndi því breyta ansi miklu

Hjalti Hreinsson fær Óla Stefán Flóventsson þjálfara KA til sín í spjall í KA Podcastinu. Þeir félagar fara vel yfir sumarið til þessa sem og stöðuna sem liðið er í nú þegar tímabilið er rétt rúmlega hálfnað. Það má með sanni segja að spjallið sé skemmtilegt en líka áhugavert og flott upphitun fyrir heimaleikinn á sunnudaginn

Knattspyrnudeild KA fékk í dag annan öflugan spænskan liðsstyrk er David Cuerva Barroso skrifaði undir samning út árið við félagið. David er 28 ára miðjumaður sem mun veita sóknarlínu okkar aukinn kraft

Handknattleiksdeild KA í samvinnu við Icelandic Summer Games verður með strandhandboltamót í Kjarnaskógi laugardaginn um verslunarmannahelgina (3. ágúst). Mótið verður spilað á strandblaksvöllunum í Kjarnaskógi og verður leikið í blönduðum flokki, það er að segja strákar og stelpur munu spila saman