Fréttir

Það er enginn smá leikur í kvöld þegar KA/Þór sækir topplið Vals heim í Olís deild kvenna í handboltanum kl. 18:00. Stelpurnar eiga enn möguleika á sæti í úrslitakeppninni og ætla að gefa allt í leikinn í kvöld en ljóst er að verkefnið verður ansi hreint krefjandi

í byrjun febrúar var sendur út tölvupóstur ásamt því að sett var tilkynning hér um að frestur til að greiða æfingagjöld væri til 15. febrúar. Nú er sá frestur liðinn og greiðsluseðlar eru að detta inn í heimabanka hjá fólki. Það á engin að fá greiðsluseðil nema barnið hafi verið að mæta því það er tekið mið af mætingaskráningu. Því miður er okkur ekki heimilt að ráðstafa frístundastyrk fólks nema við séum sérstaklega beðin um það og því er frístundastyrkurinn ekki inn í þessum rukkunum sem berast þeim sem ekki greiddu fyrir 15. febrúar. Iðkendur sem hafa verið að byrja á miðri önn fá frest til 1. apríl til að ganga frá æfingajgöldum.

Góðan dag Stjórn Fimleikafélagsins er að gera upp árið 2018 til að geta skilað af sér ársreikningum. Það er töluvert um að foreldrar hafi gleymt að skrá börnin sín í Nora og þar af leiðandi hefur ekki borist greiðsla fyrir þau aðra hvora önnina og jafnvel báðar árið 2018. VIð erum að fara yfir mætingalista svo það ætti engin að fá greiðsluseðla nema þeir eigi barn sem hefur verið að mæta. Upphæðinni mun vera dreyft á tvo til þrjá greiðsluseðla til að auðvelda fólki að standa í skilum. Ef þið teljið ykkur vera að fá rangan reikning þá sendið póst á skrifstofa@fimak.is og við munum finna út úr því í sameiningu hvar villan liggur.

KA vann 5-1 stórsigur á HK í Lengjubikarnum er liðin mættust í Boganum í gær. Með sigrinum tryggði KA sér sigur í riðli 3 og þar með sæti í undanúrslitum keppninnar. Mörk KA gerðu þeir Andri Fannar Stefánsson, Guðjón Pétur Lýðsson, Sæþór Olgeirsson, Þorri Mar Þórisson og Nökkvi Þeyr Þórisson

KA vann HK í Lengjubikarnum í Boganum í dag 5-1. Staðan í hálfleik var 2-0 KA í vil. Með sigrinum er KA komið í undanúrslit Lengjubikarsins.

KA tekur á móti HK í næst síðustu umferð riðils 3 í Lengjubikarnum á laugardaginn kl. 15:00 í Boganum. KA er á toppnum með fullt hús stiga en aðeins efsta liðið fer áfram í undanúrslit keppninnar og því ansi mikilvægt að strákarnir haldi áfram á sigurbrautinni

Í dag var undirritaður nýr rekstrarsamningur við Akureyrarbæ sem gildir til næstu 5 ára. Það er félaginu mikið ánægjuefni að vera falið áfram það verkefni að annast rekstur og þjónustu á mannvirkjum Akureyrarbæjar á íþróttasvæði KA. Samningurinn er ekki síður mikilvægur fyrir félagið til að geta haldið uppi því öfluga starfi sem unnið er hjá KA

Firmamóti KA í knattspyrnu sem átti að fara fram á morgun, föstudag, hefur verið frestað vegna ófyrirsjáanlegra aðstæðna. Við biðjumst velvirðingar á þessu og munum auglýsa síðar nýja dagsetningu á mótinu

KA/Þór á þrjá fulltrúa í æfingahópum U-17 og U-19 ára landsliða Íslands í handbolta. Helga María Viðarsdóttir og Rakel Sara Elvarsdóttir eru í U-17 hópnum og þá er hún Anna Þyrí Halldórsdóttir í U-19. Þrátt fyrir ungan aldur hafa þær allar verið í hlutverki í meistaraflokki í vetur en þær Rakel Sara og Anna Þyrí hafa verið í hóp í öllum leikjum vetrarins

Aðalstjórn KA stóð fyrir stefnumótunarfundi á laugardaginn þar sem rúmlega 30 félagsmenn í KA mættu og ræddu hin ýmsu mál er varðar framtíð KA. Nýr rekstrarsamningur KA við Akureyrarbæ var kynntur auk þess sem þarfagreining félagsins í náinni framtíð sem og til lengri tíma var rædd