Fréttir

Martha Hermannsdóttir fór fyrir liði KA/Þórs sem stóð sig frábærlega á nýliðnum handboltavetri er liðið endaði í 5. sæti Olís deildarinnar þvert á hrakspár sérfræðinga. Martha var mögnuð á vellinum og endaði sem markadrottning deildarinnar með 138 mörk

Það er komið að fjórða leik KA og HK um Íslandsmeistaratitilinn í blaki kvenna. Stelpurnar okkar leiða 2-1 og tryggja titilinn með sigri en það er ljóst að lið HK mun ekki gefa neitt eftir. Leikurinn í kvöld hefst klukkan 19:30 í Fagralundi í Kópavogi og hvetjum við að sjálfsögðu alla sem geta til að mæta og styðja okkar lið í þessum risaleik

Karlalið KA var með bakið uppvið vegg er liðið sótti HK heim í fjórða leik liðanna í einvíginu um Íslandsmeistaratitilinn í blaki. HK myndi hampa titlinum með sigri en KA liðið þurfti á sigri að halda til að knýja fram hreinan úrslitaleik um titilinn og því ansi mikið undir í Fagralundi í Kópavogi

Það er sannkallaður risaleikur í Fagralundi í kvöld kl. 19:30 er KA sækir HK heim í fjórðu viðureign liðanna um Íslandsmeistaratitilinn í blaki karla. HK leiðir einvígið 2-1 og tryggir því titilinn með sigri í kvöld en KA liðið er staðráðið í að tryggja sér hreinan úrslitaleik í KA-Heimilinu

Það er farið að styttast í að hasarinn í Pepsi Max deild karla hefjist og hófst sala á ársmiðum hjá knattspyrnudeild KA í gærkvöldi á vel heppnuðu stuðningsmannakvöldi. Fyrsti leikur KA í sumar er á Akranesi laugardaginn 27. apríl og við tekur fyrsti heimaleikurinn gegn Val sunnudaginn 5. maí á Greifavellinum

Það var stórleikur í Boganum í kvöld er Þór/KA og Breiðablik mættust í undanúrslitum Lengjubikarsins. Liðin höfðu mæst nýverið í riðlakeppni Lengjubikarsins þar sem Þór/KA fór með 2-1 sigur af hólmi eftir hörkuleik. Það mátti því búast við spennuleik í kvöld sem úr varð

Það var heldur betur líf og fjör í KA-Heimilinu í gær er KA og HK mættust í þriðja leik sínum í einvíginu um Íslandsmeistaratitilinn í blaki kvenna. KA liðið gat tryggt titilinn en gestirnir urðu að vinna til að halda lífi í sínum vonum. Það var vel mætt í stúkuna og áhorfendur létu vel í sér heyra

KA gat tryggt sér Íslandsmeistaratitilinn í blaki kvenna í dag er liðið tók á móti HK í þriðja leik liðanna. Stelpurnar höfðu unnið frekar sannfærandi sigra í fyrstu tveimur leikjunum en ljóst var að lið HK hafði ekki sagt sitt síðasta og því mátti búast við hörkuleik í dag sem svo sannarlega varð raunin

Eftir sannfærandi sigur í gær var smá óvissa í kringum KA liðið fyrir þriðja leik liðsins gegn HK í einvíginu um Íslandsmeistaratitilinn í blaki karla. Filip Szewczyk spilandi þjálfari var í banni og mætti því Davíð Búi Halldórsson ein mesta blakkempa Íslands í hóp KA í hans stað

KA og HK mættust í öðrum leik liðanna í úrslitaeinvíginu um Íslandsmeistaratitilinn í blaki kvenna í dag. KA hafði unnið fyrsta leik liðanna og gat með sigri komið sér í lykilstöðu en vinna þarf þrjá leiki til að hampa Íslandsmeistaratitlinum