Fréttir

Æfingar hjá Spaðadeild KA eru komnar á fullt en innan deildarinnar er keppt í badminton sem og tennis. Deildin býður öllum að koma og prófa enda eru æfingar í boði fyrir allan aldur. Tennisæfingar fara fram í KA-Heimilinu á sunnudögum og badminton æfingarnar fara fram í Naustaskóla

Blakdeild KA hóf vetraræfingar sínar í vikunni og hvetjum við að sjálfsögðu alla krakka sem hafa áhuga á að prófa blak að mæta. Það er mikið og flott starf unnið hjá blakdeildinni bæði í meistaraflokki sem og yngri flokkum. Karlalið KA er núverandi Íslands-, Bikar- og Deildarmeistari auk þess sem kvennalið KA er til alls líklegt í vetur

KA og Valur gerðu 3-3 jafntefli í hörkuleik á Greifavellinum í 19. umferð Pepsi deildarinnar.

Við óskum þeim KA félögum sem eiga stórafmæli í september innilega til hamingju.

Baráttan í Pepsi deildinni heldur áfram þegar KA tekur á móti Íslandsmeisturum Vals á sunnudaginn klukkan 14:00. Aðeins fjórir leikir eru eftir í deildinni og enn er mikil spenna á toppi og botni deildarinnar. Valur er í harðri baráttu um Íslandsmeistaratitilinn og ljóst að þeir þurfa á sigri að halda fyrir norðan

Baráttan í Olís deildinni í handboltanum fer senn að hefjast en karlalið KA tekur á móti Akureyri í fyrsta leik þann 10. september og kvennalið KA/Þórs tekur á móti stórliði Vals 15. september. Bæði lið unnu sér sæti í deild þeirra bestu með frábærri frammistöðu í Grill 66 deildinni á síðustu leiktíð og framundan er spennandi vetur

Hlaðvarpsþáttur KA heldur áfram og að þessu sinni fara þeir Siguróli Magni Sigurðsson og Ágúst Stefánsson yfir leiki KA og Þórs/KA í fótboltanum sem og komandi lokasprett í Pepsi deildunum. Guðmann Þórisson fyrirliði KA mætti á svæðið í mjög svo skemmtilegt spjall

Mikið er af óskilamunum í KA-Heimilinu eftir sumarið og hvetjum við ykkur eindregið til að mæta og skoða hvort það leynist einhver flík á svæðinu sem hefur glatast undanfarna mánuði. Föstudaginn 7. september munum við fara með þá óskilamuni sem eftir verða í húsinu til Rauða Krossins og því er um að gera að kíkja sem fyrst á óskilamunina.

Íslandsmeistarar Þórs/KA leika fyrri leik sinn gegn stórliði Wolfsburg í Meistaradeildinni á Þórsvelli 12. september næstkomandi. Leikurinn er einn sá stærsti sem hefur farið fram hér á Akureyri og alveg ljóst að við þurfum að fjölmenna í stúkuna og sýna okkar frábæra liði þann stuðning sem það á skilið

Nú hefur verið opnað fyrir skráningar í flokka og námskeið yngriflokkaráðs knattspyrnudeildar og handknattleiksdeildar. Til að skrá barn á námskeið þá skal gera það í gegnum vefinn okkar, ka.felog.is