Fréttir

-sameiginleg ákvörðun aðila- Að undanförnu hafa stjórn knd. KA og Tufa, þjálfari Pepsi-deildarliðs KA, átt í viðræðum um endurnýjun á samstarfssamningi þessara aðila, en núverandi samningur rennur út í lok þessa tímabils. Aðilar hafa komist að þeirri sameiginlegu niðurstöðu, að það þjóni hagsmunum beggja aðila að staldra við og endurnýja ekki samninginn

Fimmtudaginn 13.september kl.15:00 - 18:30 verða söluaðilar frá fimleikavörum með vörurnar sínar til sölu á ganginum framan við íþróttasalinn.Þar sem inngangurinn inn í húsið er núna staðsettur í gegnum neyðarútganginn vegna framkvæmda á anddyri þá þarf að fara úr skóm og ganga í gegnum fimleikasalinn til að finna þær.

Það er hreinn úrslitaleikur á morgun, fimmtudag, þegar KA tekur á móti Breiðablik á Greifavellinum klukkan 17:00 í 4. flokki kvenna. Stelpurnar hafa verið algjörlega magnaðar í sumar en þær unnu úrslitariðil sinn á dögunum og leika því gegn Breiðablik í úrslitaleiknum

Það var alvöru leikur á Þórsvelli í dag þegar Þór/KA tók á móti Wolfsburg í fyrri leik liðanna í 32-liða úrslitum Meistaradeildar Evrópu. Fyrirfram var reiknað með býsna erfiðum leik fyrir okkar lið enda Wolfsburg eitt af allra bestu liðum heims

Við erum enn í sigurvímu eftir ótrúlegan sigurleik KA á nágrönnum okkar í Akureyri á mánudaginn og höldum áfram að dæla inn myndum frá leiknum. Þórir Tryggvason ljósmyndari tók fjölmargar myndir og má sjá þær með því að smella á myndina fyrir neðan

KA vann magnþrunginn 28-27 sigur á Akureyri í bæjarslagnum í fyrstu umferð Olís deildar karla í gær. Sævar Geir Sigurjónsson ljósmyndari var á svæðinu og myndaði leikinn í bak og fyrir

Einn stærsti knattspyrnuleikur sem hefur farið fram á Akureyri er á morgun, miðvikudag, þegar Íslandsmeistarar Þórs/KA taka á móti Þýskalandsmeisturum Wolfsburg. Leikurinn hefst klukkan 16:30 og hvetjum við alla sem geta til að mæta og styðja stelpurnar í þessum magnaða leik. Alls verður pláss fyrir um 3.000 manns á vellinum þannig að það ættu flestir að komast fyrir

KA tók á móti Akureyri í fyrstu umferð Olís deildar karla í KA-Heimilinu í gær. Mikil eftirvænting var fyrir leiknum og seldist gríðarlegt magn af miðum í forsölu og pallarnir þéttsetnir löngu fyrir leik. Á endanum var að sjálfsögðu uppselt og stemningin ævintýraleg

Forsalan á stórleik kvöldsins fer gríðarlega vel af stað. Í fyrra komust færri að en vildu og stefnir í það sama í ár. Forsalan er í fullum gangi og stendur til kl. 16:00, tryggðu þér miða á bæjarslag KA og Akureyrar

Það er mikil eftirvænting fyrir leik KA og Akureyrar í fyrstu umferð Olís deildar karla í handboltanum en leikurinn fer fram á morgun, mánudag, klukkan 19:00 í KA-Heimilinu. Til að sporna við biðröð fyrir leik munum við bjóða upp á forsölu aðgöngumiða milli klukkan 10:00 og 16:00 á morgun, mánudag, í KA-Heimilinu