Fréttir

Blaktímabilið hefst á laugardaginn og það með tveimur hörkuleikjum í KA-Heimilinu! Dagurinn hefst klukkan 13:00 er fjórfaldir meistarar KA taka á móti Álftanesi hjá körlunum og svo klukkan 15:00 mætast kvennalið KA og Álftanes

Allar æfingar fimleikafélagsins falla niður laugardaginn 3.nóvember vegna haustmóts FSÍ sem fram fer hér á Akureyri.Næsta æfing hjá krílahópum er laugardaginn 10.nóvember.

Jón Þór Hauksson valdi í dag sinn fyrsta æfingahóp en hann var nýverið ráðinn landsliðsþjálfari hjá kvennalandsliðinu. Hópurinn er nokkuð stór eða alls 30 leikmenn og eru allir á mála hjá íslenskum félagsliðum. Þór/KA á alls 7 fulltrúa í hópnum sem er auðvitað mikil viðurkenning á því flotta starfi sem hefur verið unnið í kringum liðið undanfarin ár

KA/Þór lagði Íslandsmeistara Fram í mögnuðum handboltaleik í KA-Heimilinu í gær. Stelpurnar gerðu sér lítið fyrir og tóku forystuna á lokamínútum leiksins og skoruðu svo sigurmarkið er 10 sekúndur lifðu leiks. Egill Bjarni Friðjónsson var á svæðinu og tók helling af myndum frá þessum flotta sigri. Smelltu á myndina hér fyrir neðan til að skoða myndir Egils frá leiknum

Það var svo sannarlega búist við erfiðum leik í KA-Heimilinu í kvöld þegar KA/Þór tók á móti Íslandsmeisturum Fram í 7. umferð Olís deildar kvenna. Fyrir leikinn voru Framarar á toppnum og höfðu leikið ákaflega vel það sem af er tímabilinu. Á sama tíma var okkar lið fjórum stigum á eftir toppliðinu eftir flotta byrjun

Eftir smá tæknivandræði þá birtum við hér nýjustu útgáfu hlaðvarpsþáttar KA. Siguróli Magni Sigurðsson og Ágúst Stefánsson renna yfir stöðuna í handboltanum en KA gerði jafntefli við ÍR á dögunum eftir stórt tap gegn Stjörnunni þar áður. KA/Þór hefur farið vel af stað en tapaði þó síðasta leik á ævintýralegan hátt

Það er alvöru verkefni framundan í kvöld hjá kvennaliði KA/Þórs í Olísdeildinni en Íslandsmeistarar Fram koma í heimsókn í KA-Heimilið klukkan 18:00. Leikurinn er liður í 7. umferð deildarinnar en Framarar eru á toppnum með 10 stig á sama tíma og okkar lið er með 6 stig í 4.-6. sæti

Það er mikið framundan hjá okkur í KA-heimilinu föstudaga í nóvember. Þjálfarar meistaraflokkanna okkar munu halda framsögur í hádeginu milli 12:00 og 13:00 og Vídalín Veitingar munu framreiða dýrindis hádegisverð. Allir félagsmenn hjartanlega velkomnir. Hvar er betra að byrja helgina en í KA-heimilinu?

Sandra Mayor og Bianca Sierra skrifuðu í dag undir nýja samninga við lið Þór/KA og munu því leika með liðinu næsta sumar. Þetta eru frábærar fréttir enda báðar algjörir lykilleikmenn í okkar liði. Þær munu koma til liðs við liðið í janúar en undanfarnar vikur hafa þær verið að leika í undankeppni HM með Mexíkóska landsliðinu

Næstkomandi laugardag 27.október er komið að hinum árlega foreldratíma hjá okkur.Þá taka foreldrar þátt með börnunum eða fylgja þeim eftir í salnum.Börnunum finnst mjög spennandi að sjá pabba og mömmu eða afa og ömmu koma og reyna við sömu æfingar og þau er sjálf að leysa af hendi ásamt því að sýna hvað þau geta sjálf.