Fréttir

Feðgarnir Þórir Tryggvason og Hákon Ingi Þórisson mynduðu leik KA og Gróttu í Olís deildinni í gær og birtum við hér myndasyrpu frá hasarnum. Mætingin var til fyrirmyndar í KA-Heimilinu og keyptu flestir stuðningsbol fyrir þau Fanney Eiríksdóttur og Ragnar Snæ Njálsson sem takast nú á við erfiða tíma

KA tók á móti Gróttu í 4. umferð Olís deildar karla en báðum liðum var spáð baráttu í neðri hluta deildarinnar og því ljóst að mikilvæg stig væru í húfi. Leikurinn vakti mikla athygli þar sem ágóði af miðasölu rann til fjölskyldu Fanneyjar Eiríksdóttur og Ragnars Snæs Njálssonar. Mætingin var til fyrirmyndar og var frábær stemning í KA-Heimilinu

Það er stórleikur í KA-Heimilinu á morgun, mánudag, þegar KA tekur á móti Gróttu í 4. umferð Olís deildar karla. Liðunum var báðum spáð botnbaráttu í vetur og ljóst að það eru gríðarlega mikilvæg stig í húfi er liðin mætast á morgun

Blaktímabilið hófst í dag þegar keppt var um titilinn Meistari Meistaranna á Húsavík. Karlalið KA vann alla þrjá stóru titlana á síðustu leiktíð og þurfti því að mæta HK sem varð í 2. sæti í öllum keppnum síðasta vetrar

Um helgina fer fram fyrsta mót vetrarins hjá 6. flokki yngra árs drengja og stúlkna en mótið fer fram á Akureyri og er í umsjón bæði KA og Þór. Alls verða fimm slík mót haldin fyrir þennan aldursflokk í vetur.

Meistari Meistaranna í blakinu fer fram á morgun, laugardag, á Húsavík og markar þar með upphaf blaktímabilsins. Karlalið KA gerði sér lítið fyrir og vann alla titlana á síðustu leiktíð og leikur því að sjálfsögðu á morgun. Strákarnir mæta liði HK en Kópavogsbúar enduðu í 2. sæti í Bikarkeppninni og fá því að mæta KA í baráttunni um fyrsta bikar tímabilsins

KA/Þór tók á móti ÍBV í 3. umferð Olís deildar kvenna í KA-Heimilinu í kvöld. Töluverð bjarstýni var fyrir leikinn enda höfðu stelpurnar unnið frábæran útisigur á Haukum í síðustu umferð á sama tíma og ÍBV hafði tapað gegn nýliðum HK á heimavelli

Ítrekun til þeirra sem eiga eftir að ganga frá skráningu í Nora að gera það sem fyrst.Keppniskrakka þarf að skrá í siðasta lagi á morgunn á mót og ef ekki hefur verið gengið frá skráningu þá er ekki hægt að skrá þau í FSÍ gáttina til þátttöku á haustmóti.

Eftir smá pásu eru Siguróli og Ágúst mættir aftur með KA Podcastið. Þeir byrja á að renna yfir lok knattspyrnusumarsins hjá KA og Þór/KA og slá á þráðinn til Elvars Geirs Magnússonar ritstjóra Fotbolta.net

Það er alvöru handboltaleikur í KA-Heimilinu í kvöld þegar KA/Þór tekur á móti ÍBV í 3. umferð Olís deildar kvenna. Athugið að leikurinn fer fram klukkan 19:30 en ekki 18:00 eins og upphaflega stóð til