Fréttir

Arna Sif Ásgrímsdóttir mun leika með Íslandsmeisturum Þórs/KA næstu tvö árin. Þetta eru frábærar fréttir enda er hún frábær leikmaður og var hún meðal annars fyrirliði Þórs/KA þegar liðið varð Íslandsmeistari sumarið 2012. Þá hefur hún leikið 12 A-landsleiki fyrir Íslands hönd

Leik KA/Þórs við Víking í Grill 66 deild kvenna hefur verið frestað vegna veðurs

Kvennalið KA tekur á móti HK í Mizunodeildinni um helgina. Leikirnir eru kl. 20:30 á föstudaginn og 14:00 á laugardaginn í KA-heimilinu.

Stór handboltahelgi er framundan í KA-heimilinu og hefst hún strax í kvöld með leik KA og Þór í 3. fl karla. Síðan á fimmtudagskvöldið kl. 19:00 þegar að KA mætir Hvíta Riddaranum í KA-heimilinu í Grill66 deild karla.

Handknattleiksdeild KA og Einn, tveir og elda skrifuðu í gær undir samstarfssamning. Samningurinn felur í sér að þeir sem versla við Einn, tveir og elda og sækja sínar vörur í KA-heimilinu styrkja í leiðinni KA.

Afmælismót JSÍ í yngri flokkum (U13/U15/U18/U21) var haldið í dag laugardaginn 17. febrúar. Mótið var afar fjölmennt og stóð frá kl. 10 til rúmlega 15. Það sáust margar glæsilegar viðureignir okkar lið stóð sig vel utan vallar sem innan. Hér má sjá keppendur og árangur KA manna: Berenika BERNAT (U18 63kg Gull og U21 63kg Gull) Hekla PÁLSDÓTTIR (U18 70kg Gull og U21 70kg Gull) Gylfi EDDUSON (U18 -50kg Silfur) Baldur GUÐMUNDSSON (U18-55kg Silfur) Birkir BERGSVEINSSON (U15 -46kg Silfur) Árni ARNARSSON (U18-60kg Silfur) Kristín GUÐJÓNSDÓTTIR (U18 21kg Brons) Snæbjörn BLISCHKE (U15 73kg 4. sæti)

Það var nóg um að vera hjá meistaraflokkum KA um helgina en fótboltinn, handboltinn og blakið voru öll í eldlínunni. Hér rennum við yfir gang mála:

KA fékk HK í heimsókn í Mizunodeild karla í dag. Liðin voru í baráttu um efsta sæti Mizunodeildarinnar en fyrir leikinn var KA með 6 stiga forskot í efsta sætinu. Það var því ljóst að HK þurftu á sex stigum að halda um helgina ef þeir ætluðu sér að eiga möguleika á deildarmeistaratitlinum.