Fréttir

Nú fer að líða að páskafríi og hér fyrir neðan er hægt að sjá hvenær hóparnir fara í frí: A-, P- og M- hópar fara í frí eftir laugardaginn 24.mars.Sama á við um K-3, F-4 og F-6.

Karla- og kvennalið KA eiga bæði leiki í úrslitakeppni Blaksambands Íslands fimmtudaginn 15. mars. Konurnar mæta Þrótti Reykjavík klukkan 18 og með sigri tryggja þær sig inn í næstu umferð! Karlarnir mæta svo Aftureldingu í undanúrslitum Íslandsmótsins klukkan 20!

Handbolta spilastokkur KA og KA/Þór 2017-2018 54 spil í stokk (2 jókerar) Myndir af öllum spilandi leikmönnum vetrarins! Stokkurinn kemur í hvítri pappaöskju með glugga á.

Kvennalið KA lék í kvöld fyrri leikinn gegn Þrótti Reykjavík í úrslitakeppni kvenna en leikurinn fór fram í Laugardalshöllinni. Fyrirfram mátti búast við erfiðum leik fyrir KA konur þar sem Þróttur hafði unnið allar þrjár viðureignir liðanna í vetur.

Herrakvöld KA verður haldið laugardagskvöldið 24. mars næstkomandi í KA-Heimilinu. Ræðumaður kvöldsins verður enginn annar en Guðjón Þórðarson en í ár eru 30 ár frá ráðningu hans sem þjálfari knattspyrnuliðs KA

Í dag, þriðjudaginn 13.mars, falla niður æfingar sem eru á milli 16:30 og 19:00 vegna kvikmyndadags Giljaskóla en hann er í tengslum við árshátíð skólans.Búið á að vera að tilkynna á facebook síðum hópa ef tími fellur niður.

KA/Þór á alls fimm fulltrúa þegar öll kvennalandslið Íslands koma saman til æfinga og keppni í alþjóðlegri landsliðsviku í lok mars. A-landslið kvenna mun leika tvo leiki í undankeppni fyrir EM við Slóveníu heima 21.mars og að heiman þann 25. mars. Afrekshópur leikmanna sem leika á Íslandi kemur saman til æfinga í Reykjavík 18.-22. mars og æfir samhliða A-landsliðinu.

Tveir Bikarmeistaratitlar í blakinu, frábær sigur í Lengjubikarnum og flott frammistaða í Coca-Cola bikarnum standa uppúr í örfréttapakka vikunnar, kynnið ykkur málið!

Karlalið KA í blaki gerði sér lítið fyrir og lagði Íslandsmeistara HK að velli í úrslitaleik Kjörísbikarsins 3-1 og tryggði sér sinn 8. Bikarmeistaratitil í sögu félagsins. KA liðið hefur þar með unnið bæði Deildarmeistaratitilinn og Bikarmeistaratitilinn í ár og stefnir að sjálfsögðu á þrennuna.

Deildarmeistarar KA í blaki tryggðu sér áðan sæti í úrslitaleik Kjörísbikarsins með öruggum 3-0 sigri á Hrunamönnum. Það var aldrei spurning hvernig leikurinn endaði en KA hafði algjöra yfirburði í öllum hrinum sem enduðu 9-25, 3-25 og 8-25