Fréttir

Íþróttabandalag Akureyrar boðar til verðlaunahátíðar í Menningarhúsinu Hofi miðvikudaginn 22.janúar kl.17.00 þar sem lýst verður kjöri íþróttamanns Akureyrar 2013.

KA 1 vann Þór 2 á laugardaginn 7-0 en KA 2 töpuðu gegn Þór 1 á föstudaginn 4-0.

Föstudaginn síðasta krýndi Fimleikafélag Akureyrar íþróttamenn ársins 2013.Eins og undanfarin ár þá voru krýndir einstaklingar úr hverri keppnisgrein ásamt því að valinn var íþróttamaður félagsins sem fer sem okkar fulltrúi í kjörið um íþróttamann Akureyrar sem fram fer næstkomandi miðvikudag.

Davíð Rúnar Bjarnason framlengdi samning sinn við KA um tvö ár.

Selfoss mætti til Akureyrar til að etja kappið við KA/Þór í Olís-deild kvenna í dag, sunnudag. Í fyrsta leik á tímabilinu mættust þessi lið á Selfossi þar sem Selfoss sigraði 25-24. Nú voru stelpurnar í KA/Þór staðráðnar í að ná í sigur og búist var við hörku leik milli liðanna.

Stelpurnar á yngra ári KA/Þórs mættu HK í KA heimilinu í dag, sunnudag. HK stelpur byrjuðu leikinn af krafti og komust í 0-3 áður en heimastúlkur ákváðu að byrja þennan leik. Leikurinn var í járnum framan af en HK stelpur alltaf skrefi á undan. Þegar líða fór á fyrri hálfleikinn fóru heimastúlkur að finna taktinn og náðu tökum á leiknum smám saman. Hagur HK stúlkna versnaði þegar leikmaður HK gerði sig seka um ljótt brot í hraðaupphlaupi og fékk verðskuldað rautt spjald fyrir.

Karlalið KA tapaði báðum leikjum sínum við Stjörnuna um helgina - fyrri leiknum 3-0 en hinum síðari 3-2.

Kvennalið KA og Stjörnunnar spiluðu tvo leiki um helgina.

KA/Þór tekur á móti Selfyssingum klukkan 13:30 á morgun, sunnudag í KA heimilinu. Liðin eru í 10. og 11. sæti Olís-deildarinnar

Nú um helgina er HSÍ með úrtaksæfingar fyrir stráka sem fæddir eru árið 2000 og á KA sjö stráka í hópnum. Þetta eru magnaðir íþróttamenn og frábær hópur sem vert er að fylgjast með í framtíðinni en þjálfari þeirra, Jóhannes Bjarnason telur þetta vera einn efnilegasta hóp sem hann hefur séð í mörg ár.