Fréttir

Á morgun, fimmtudag, er foreldrafundur fyrir foreldra/forráðamenn 5. flokks kvenna í handboltanum. Fundurinn hefst klukkan 17:30 og er inn í fundarsalnum. Hægt er að ná í þjálfara flokksins í síma 868-2396 (Stefán) 848-5144 (Kolla) Einnig er hægt að senda tölvupóst á stebbigje@gmail.com ef þið hafið einhverjar spurningar. Kv. Þjálfarar

KA-strákarnir í 3. flokki karla eru bikarmeistarar KSÍ fyrir Norður- og Austurland. Þeir sigruðu KF/Tindastól í frábærum úrslitaleik á Akureyrarvelli í kvöld með fjórum mörkum gegn tveimur.

Eins og komið hefur fram hér á heimasíðunni í sumar og víðar hafa staðið yfir miklar framkvæmdir á Akureyrarvelli í sumar - þ.e. í stúku vallarins. Þessum framkvæmdum er ekki lokið - en þó er komin bærileg mynd á þær. Öllum sem vilja skoða breytta stúku Akureyrarvallar er hér með boðið að koma í stúkuna nk. laugardag, 17. september, kl. 11.00-12.15 og að því loknu er upplagt að setjast í stúkuna/brekkuna og hvetja KA-strákana til sigurs í síðasta leiknum í sumar gegn lærisveinum Guðjóns Þórðarsonar, BÍ/Bolungarvík. Veitingar verða í boði í stúkunni. Frítt verður á leikinn og er hér með skorað á alla stuðningsmenn KA að fjölmenna á leikinn og öskra strákana til sigurs.

Annar flokkur KA spilar gríðarlega mikilvægan leik í 2. flokki kk á Akureyrarvelli nk. föstudag, 16. september, kl. 17 þegar hann tekur á móti Fjölni/Birninum. Með einu stigi úr þessum leik hafa KA-strákar tryggt sæti í A-deildinni að ári.

KA mætir í dag, miðvikudaginn 14. september, kl. 17.00 á Akureyrarvelli KF/Tindastóli í 3. flokki karla í úrslitum Valitor bikarsins fyrir Norður- og Austurland. KA-menn eru hvattir til að fjölmenna á völlinn og hvetja strákana til sigurs. Fótboltaveðrið getur ekki verið betra og völlurinn fínn og því eru aðstæður eins og best verður á kosið fyrir skemmtilegan fótboltaleik.

Dean Edward Martin eða Dínó eins og hann er oftast kallaður er þriðji leikmaðurinn sem við kynnum til leiks í 100 leikja klúbb félagsins. Dínó hefur spilað 148 leiki fyrir félagið og skorað 12 mörk. Hann kom til landsins 1998 og spilaði fyrsta tímabilið með ÍA i Landsímadeildinni, sem þá var úrvalsdeildin. Hann fór svo til Englands í tvö ár en sneri til Íslands á nýjan leik 2001 og gekk þá til liðs við KA. Hann spilaði með KA út tímabilið 2004 áður en að hann sneri aftur á Akranes. 

Lokahóf yngriflokka í knattspyrnu fór fram s.l. fimmtudag í KA heimilinu. Þar var glatt á hjalla, sumarið gert upp og leikmenn meistaraflokks KA grilluðu svo ofaní mannskapinn. Sævar Geir ljósmyndari var á svæðinu og smellti nokkrum myndum af. Þær má finna með því að smella hér.

KA-menn máttu þola skell gegn frísku Skagaliði á Akranesi í gær. Þjóðhátíðarstemning var á Akranesi í gær af þeim sökum að félagið fékk afhentan bikarinn fyrir sigur í 1. deildinni að leik loknum. KA-menn hefðu hins vegar getað spillt gleðinni eilítið með góðri frammistöðu inni á vellinum, en það fór heldur betur á annan veg.

Næstsíðasta umferð 1.deildarinnar fer fram í dag og fara okkar menn á Akranes þar sem þeir mæta nýkrýndum meisturum ÍA. Eins og allir vita eru Skagamenn löngu búnir að tryggja sig upp í deild þeirra bestu en KA hefur hins vegar tryggt sætið í deildinni og því má búast við ágætis leik þar sem bæði lið verða afslöppuð og njóta þess að spila fótbolta með litlu að keppa að nema þremur stigum að sjálfsögðu. 

Elmar Dan Sigþórsson er annar leikmaður sem við kynnum til leiks í 100 leikja klúbb félagsins, (leikmenn birtir i handahófskenndri röð).