Fréttir

Birkir Kristinsson er maðurin sem um var spurt að þessu sinni. Birkir er eins og flestir vita einn besti markvörður sem ísland hefur átt og lék á ferli sínum 74 landsleiki. Þá var hann  á mála hjá m.a Stoke City, Bolton og Birmingham. Flesta leiki lék hann hér heim með fram eða u.þ.b 150 leiki. Þá spilaði hann með ÍA, ÍBV, Einhverja og KA. Það er deilt um það hvort hann hafi leikið 1 eða 2 leiki með KA en allavega meiddist hann illa og spilaði svo ekki meira með félaginu og fór til ÍA. 

Undanfarin ár hafa einstaklingar s.s foreldrar, þjálfarar og gamlir iðkendur óskað eftir að fá að gerast félagsmenn FIMAK og styðja þannig við félagið.

4.fl. karla A-lið eiga leik föstudag 16. desember kl.18:30 og B-lið einnig föstudag 16.desember kl.20:00   Bæði liðin hjá 3.fl. karla eiga leiki um helgina. KA1 á laugardag 17.desember kl.13:30. KA2 á laugardag kl.15:00 og sunnudag 18. desember kl.13:00. Allir þessir leikir fara fram í KA-Heimilinu.

Jólasveinar eru farnir að láta sjá sig í byggð og skemmta sér á ýmsan hátt. Tveir sveinkar kíkkuðu inn á æfingar hjá KA-krökkum í Boganum í dag og reyndu fyrir sér í fótbolta með krökkunum. Það gekk svona og svona, en allir skemmtu sér vel og þá er takmarkinu náð. Síðasta æfing yngri flokka KA á þessu ári verður nk. laugardag og að henni lokinni tekur við gott jólafrí.

Landflutningar - Samskip hafa ákveðið að styðja dyggilega við bakið á barna og unglingastarfi hér á Akureyri.Landflutningar - Samskip gefa allt andvirði jólapakkasendinga sinna til og frá Akureyri í sérstakan sjóð sem ÍBA mun úthluta úr eftir viðurkenndu úthlutunarkerfi.

Jólamót KA í júdó fer fram í júdósalnum sunnudaginn 18. desember kl. 10:00.  Keppt er í öllum yngri flokkum.  Um er að ræða innanfélagsmót þar sem að áherslan er lögð á að allir geri eins vel og þeir geta, ef þeir gera það þá sé tilgangnum náð, sigur og tap er aukaatriði.  Eftir mótið er komið jólafrí og hefjast æfingar aftur 5. janúar 2012.

Nú liggja fyrir drög að leikjauppröðun í Lengjubikarnum og samkvæmt þeim eru andstæðingar KA fjögur úrvalsdeildarlið og þrjú fyrstudeildarlið: ÍBV, Stjarnan, ÍA, Keflavík, ÍR, Víkingur R og Tindastóll.

Nú er komið að jólaæfingunni hjá yngstu iðkendum í handboltanum en hún verður í KA heimilinu laugardaginn 17. desember  klukkan. 9:30-10:30 Æfingin er bæði fyrir stráka og stelpur í 7. - 8. flokki (1.-4. bekkur).  Leikir og þrautabraut, gestir með rauðar húfur kíkja í heimsókn, með góðgæti í poka.  Allir iðkendur hvattir til að mæta og taka foreldra og systkini með. Kveðja Unglingaráðið

Kæru félagsmenn.                                                                                                                                          Nú er komið að hinni árlegu innheimtu félagsgjalda KA. Ég vil þakka ykkur öllum sem styðjið vel við félagið okkar með greiðslu félagsgjaldanna. Félagsgjöld eru mikilvægur þáttur í starfsemi félagsins og eru notuð til uppbyggingar á félaginu og í ýmis verkefni tengdu því. Það er því okkur mjög mikilvægt að njóta áfram stuðnings frá ykkur. Í ár verður nýtt fyrirkomulag á innheimtu félagsgjaldanna. Ekki verða sendir út greiðsluseðlar heldur kemur upphæðin beint inn á heimabanka viðkomandi sem valkvæð greiðsla. Í sumum heimabönkum þarf að haka sérstaklega við eða smella á valgreiðslur til að þeir reikningar sjáist. Enn á ný, takk fyrir stuðninginn, ykkar stuðningur skiptir miklu máli. Með KA kveðju Hrefna G. Torfadóttir formaður KA

KA-menn tóku daginn snemma og óku suður á Akranes þar sem þeir spiluðu æfingaleik við heimamenn kl. 13.00 í dag - og höfðu betur með tveimur mörkum gegn einu.