Fréttir

Fjórir KA-krakkar fengu í dag styrki úr Menningar- og viðurkenningasjóði KEA. Hver styrkur er að upphæð 125.000 kr.

Nú liggur fyrir töfluröð fyrir komandi keppnistímabil í 1. deildinni, en dregið var í höfuðstöðvum KSÍ sl. laugardag. Hér er einungis um að umferðarröðina, en dagsetningar leikjanna liggja ekki fyrir. Eins og sjá má byrjar KA á tveimur útileikjum gegn Breiðholtsliðunum báðum. Á móti kemur síðan að síðari umferðin hefst á tveimur heimaleikjum og því er uppi sú óvenjulega staða að KA er með þrjá heimaleiki í röð um mitt sumar. KA lýkur síðan móti með lengsta ferðalaginu á útivöll - vestur á Ísafjörð. Það sem er vissulega nokkuð óvenjulegt við komandi keppnistímabil er fjöldi liða í deildinni af landsbyggðinni. Þau voru reyndar fimm sl. sumar, en fjölgar nú um eitt. Upp úr 1. deildinni fóru tvö landsbyggðarlið - ÍA og Selfoss - og úr deildinni féllu tvö lið af höfuðborgarsvæðinu - HK og Grótta. Úr Pepsídeildinni féllu niður í 1. deild annars vegar Þór Ak og hins vegar Víkingur R. Upp í 1. deildinni úr 2. deild komu Tindastól á Sauðárkróki og Höttur á Egilsstöðum. Helmingur liða í 1. deildanna næsta sumar kemur af landsbyggðinni: KA, Þór, Víkingur Ó, BÍ/Bolungarvík, Tindastóll og Höttur. Hin sex liðin eru af höfuðborgarsvæðinu: Haukar, Leiknir, ÍR, Víkingur R, Þróttur R og Fjölnir. Töfluröðin fyrir komandi keppnistímabil er sem hér segir: 1. umferð:ÍR-KA 2. umferð:Leiknir-KA 3. umferð:KA-Víkingur 4. umferð:Fjölnir-KA 5. umferð:KA-Tindastóll 6. umferð:Höttur-KA 7. umferð:KA-Þór 8. umferð:Þróttur R-KA 9. umferð:KA-Haukar 10. umferð:Víkingur Ó-KA 11. umferð:KA-BÍ-Bolungarvík 12. umferð:KA-ÍR 13. umferð:KA-Leiknir R 14. umferð:Víkingur R-KA 15. umferð:KA-Fjölnir 16. umferð:Tindastóll-KA 17. umferð:KA-Höttur 18. umferð:Þór-KA 19. umferð:KA-Þróttur R 20. umferð:Haukar-KA 21. umferð:KA-Víkingur Ó 22. umferð:BÍ/Bolungarvík-KA

Fjölmargir KA-krakkar eru boðaðir á landsliðsúrtaksæfingar í sínum aldurshópi um komandi helgi. Í landsliðshópi U17-kvenna er Lára Einarsdóttir boðuð á æfingar og í U-19 landsliðshópi kvenna er Helena Einarsdóttir boðuð á æfingar. Einnig verða úrtaksæfingar í Boganum fyrir drengi af Norðurlandi f. 1997 - þ.e. á yngra ári í 3. flokki.

Yngra ár 5. flokks kvenna renndi suður á föstudagsmorgunn til að keppa á sínu öðru móti til Íslandsmeistara þennan veturinn. Líkt og síðast voru tvö lið skráð til keppni, KA/Þór1 og KA/Þór2. KA/Þór1 vann sér á síðasta móti þátttökurétt í 1. deild og því ljóst að þær voru að fara að keppa við bestu liðin í sínum árgang í þessari ferð.

KA/Þór leikur gegn FH í Eimskipsbikarnum í kvöld kl.18:00.  Leikurinn fer fram í Kaplakrika. Akureyringar á suðvesturhorninu er hvattir til að mæta og hvetja okkar lið.

KA/Þór tekur á móti Stjörnunni  laugardaginn12. nóvember í N1 deild kvenna. Leikurinn er í KA heimilinu og hefst klukkan 16:00. Liðið er búið með tvo heimaleiki, unnu FH og töpuðu síðan með einu marki fyrir Haukum þannig að það má búast við góðri skemmtun í KA heimilinu. Aðgangur er ókeypis og gómsætar vöfflur í boði í hálfleik.

Síðustu þrjár helgar hafa farið fram hausmót FSÍ og var síðasti hlutinn haldinn hér á Akureyri þar sem rúmlega 300 keppendur mættu til leiks.Úrlsit mótsins og myndir er að finna í þessari frétt.

3. flokkur KA mætir Stjörnunni í heimaleik á laugardaginn. Að þessu sinni spila strákarnir í Íþróttahöllinni og hefst leikurinn klukkan 14:00. Það er mikið um að vera á laugardaginn, meistaraflokkur KA/Þór spilar heimaleik í KA heimilinu gegn Stjörnunni og hefst sá leikur klukkan 16:00. Sömuleiðis á 2. flokkur Akureyrar heimaleik gegn Stjörnunni á laugardaginn en sá leikur hefst klukkan 12:30 í Íþróttahöllinni. Það má því segja að laugardagurinn verði sannkallaður stjörnudagur!

Kæru félagsmenn Nú er komið að hinni árlegu innheimtu félagsgjalda KA. Ég vil þakka ykkur öllum sem styðjið vel við félagið okkar með greiðslu félagsgjaldanna. Ykkar stuðningur skiptir miklu máli. Í ár verður nýtt fyrirkomulag á innheimtu félagsgjaldanna. Ekki verða sendir út greiðsluseðlar heldur kemur upphæðin beint inn á heimabanka viðkomandi. Enn á ný, takk fyrir stuðninginn. Með KA kveðju Hrefna G. Torfadóttir formaður KA