Fréttir

Hér að neðan eru myndir sem Inga Björk Harðardóttir tók:

Nú hefur verið tekin saman ítarleg foreldrahandbók fyrir foreldra iðkenda í yngri flokkum KA í knattspyrnu þar sem fram koma þær upplýsingar sem foreldrar þurfa að búa yfir - varðandi þjálfun og æfingar, æfingagjöld, mót, útbúnað og margt fleira. Bráðnauðsynleg lesning fyrir alla. Foreldrahandbókina er að finna á heimasíðu yngri flokka í knattspyrnu á slóðinni http://ka.fun.is/?page_id=28

Á fyrsta stjórnarfundi knattspyrnudeildar í dag eftir aðalfundinn fyrr í þessum mánuði skipti stjórnin með sér verkum. Gunnar Níelsson tekur við formannssætinu af Bjarna Áskelssyni, sem færir sig yfir í gjaldkerann. Halldór Aðalsteinsson er nýr ritari stjórnar, Páll S. Jónsson og Hjörvar Maronsson eru meðstjórnendur og varmenn eru Sævar Helgason og Eggert Sigmundsson.

Meistaraflokkur KA spilaði tvo æfingaleiki í síðustu viku - á fimmtudag og laugardag - gegn Völsungi og Tindastóli og unnust þeir báðir. KA-menn sigruðu Völsung 2-1 og Tindastól 3-0.

Hér að neðan eru myndir frá Jólamótinu sem Eyþór Ingi Jónsson tók.

Ákveðið hefur verið að efna til innanhússmóts í knattspyrnu í KA-heimilinu föstudaginn 30. desember og er þetta gráupplagt tækifæri fyrir knattspyrnuhetjur á öllum aldri að hittast, efla liðsandann og rifja upp gamlar og góðar minningar.

Á laugardaginn var hin hefðbundna jólaæfingunni yngstu iðkendanna í handboltanum. Líkt og við mátti búast mættu nokkrir skeggjaðir karlar með úttroðna poka á bakinu og fengu góðar viðtökur að vanda. Hannes Pétursson sendi okkur nokkrar myndir frá æfingunni sem er hægt að skoða hér.

Jólamót KA í júdó fór fram í dag er iðkendur yngri flokka kepptu.  Keppendur voru 59 en nokkuð var um afföll vegna stífrar dagskrár hjá krökkum almennt núna fyrir jólin.  Krakkarnir stóðu sig afar vel og mikið var um falleg tilþrif og baráttan var oft á tíðum rosaleg.

Listi yfir árangur á erlendum mótum hefur nú verið uppfærður á júdósíðunni.  Alls eru verðlaun á alþjóðlegum mótum orðin 111.  Fyrstu verðlaunin unnust árið 1987.

Listi yfir Íslandsmeistartitla í júdó hefur nú verið uppfærður á júdósíðunni.  Fjöldi titla er nú kominn í 472.  Það eru 150 einstaklingar sem hafa unnið þessa titla.  Helstu breytingarnar sem urði á listanum núnu voru þær að Helga Hansdóttir er kominn fram úr föður sínum, Hans Rúnari Snorrasyni.  Helga hefur unnið 11 titla en Hans 9, bæði eru þau enn í fullu fjöri svo þessu er langt í frá lokið á milli þeirra.