Fréttir

Stelpurnar í 3. flokk spiluðu sinn þriðja leik í deildinni nú um helgina gegn liðinu í 2. sæti, Haukum.  Leikurinn var nokkuð jafn í fyrri hálfleik en alltaf beið maður eftir því að stelpurnar tækju úr 1. gír og færu fram úr. Haukar leiddu með einu marki í hálfleik 10-11 og KA/Þór síst lakara liðið. 

Húsvíkingurinn Guðmundur Óli Steingrímsson hefur skrifað undir nýjan þriggja ára samning við KA.

Áður auglýstum leik meistaraflokks KA/Þór í 2. deild kvenna gegn Fylki hefur verið frestað um óákveðinn tíma vegna vandræða hjá Fylkiskonum. Það er sem sé ekki leikur í KA heimilinu á laugardaginn klukkan 15:00!

Aðalstjórn KA boðaði allar stjórnir og ráð innan KA á umræðufund um málefni félagsins fyrr í kvöld. Þar gerðu formenn deilda grein fyrir störfum deildanna. Einnig voru almennar umræður um málefni félagsins og var m.a. rætt um fyrirhugaða Dalsbraut og áhrif hennar á svæði félagsins. Ljósmyndari síðunnar, Sævar Sigurjónsson, var að sjálfsögðu á svæðinu og smellti nokkrum myndum af. Þær má sjá með að smella hér.

Orri Gústafsson og Haukur Hinriksson skrifuðu á dögunum undir nýjan tveggja ára samning við KA. Báðir eru þeir fæddir 1990 og stigu upp úr öðrum flokknum fyrir síðasta tímabil.

Lára Einarsdóttir fór á U17 ára úrtak um síðustu helgi. Um næstu helgi fara Ævar Ingi Jóhannesson á U17 ára úrtak og Stefán Hafsteinsson á U19 ára úrtak.

Stelpurnar í 4. flokk kvenna áttu þrjá leiki yfir höfði sér þegar keyrt var til Reykjavíkur á föstudaginn. Einn um kvöldið og tvo á laugardeginum. B liðið fór ekki með að þessu sinni sökum manneklu en þeir leikir verða spilaðir eftir áramót. 

Fyrsti æfingaleikur vetrarins fór fram seint í kvöld í Boganum. Andstæðingarnir voru Húsvíkingar sem létu gríðarlega snjókomu og alvöru íslenskt vetrarveður ekki aftra sér frá því að taka bíltúr hingað og leika fótbolta við góðar aðstæður.

Áður en leikur Akureyrar og Selfoss hófst í gærkvöld innsigluðu formenn KA og Þór nýjan samning um rekstur á Akureyri Handboltafélagi. Upphaflegi samningurinn var til fimm ára og nú er félagið einmitt á sínu fimmta starfsári. Nýi samningurinn sem kynntur var í gær gildir til næstu tíu ára og nær til meistaraflokks karla og 2. flokks karla.

Það er líf og fjör í handboltanum á Akureyri þessa dagana, góður sigur á Selfyssingum í gær og strax á mánudaginn er heimaleikur í Eimskipsbikarnum gegn liði Aftureldingar úr Mosfellsbænum. Liðin mættust hér í Höllinni í byrjun október og lyktaði leiknum með fimm marka sigri Akureyrar 28-23. Það er hins vegar á hreinu að þau úrslit gera ekkert annað en efla Mosfellinga til dáða og þeir hafa svo sannarlega sýnt það í leikum deildarinnar að ekkert lið getur bókað sigur gegn þeim.