Fréttir

Fyrsti æfingaleikur KA-manna í undirbúningnum fyrir næsta sumar fer fram í Boganum í kvöld þegar Völsungar koma í heimsókn.

Kyu-mót JSÍ sem halda átti á Akureyri nú um helgina hefur verið frestað vegna veðurs.  Mótið verður haldið við fyrsta tækifæri og að sjálfsögðu hér á Akureyri.

KA - getraunir hefja starfsemi næstkomandi föstudag kl. 20 í KA - heimilinu og verður getraunaþjónustan opin alla föstudaga í vetur kl. 20 - 22.

Í gær, þann 6. nóvember, var nýja heilsuræktin í KA - heimilinu opnuð formlega. Um er að ræða aðstöðu með glæsilegum heitum potti, gufubaði og ísbaði. Ákveðið var að nefna heilsuræktina eftir stuðningsmanni KA nr. 1 Níelsi Halldórssyni heitnum.

3. flokkur kvenna spilaði sinn 2. leik á Íslandsmótinu nú í dag. Um síðustu helgi töpuðu þær illa gegn Fylki og voru þær staðráðnar að sýna sitt rétta andlit í dag. Leikurinn byrjaði heldur illa, Fram náði fljótt fjögurra marka forustu og um miðjan síðari hálfleik var staðan 3-7 fyrir Fram. Þá var eins og það hefði kviknað á stelpunum, vörnin varð gríðarlega sterk, mikil stemming kom í liðið og Kolbrún Helga í miklu stuði fyrir aftan. Sóknarlega voru þær þó ekki að gera neinar rósir en með gríðarlega sterkri vörn og markvörslu náðu þær að vinna sig inn í leikinn aftur og skoraði Fram einungis eitt mark á 15 mínútum. Staðan í hálfleik 7-9 fyrir Fram.

Stórt blakmót er haldið í KA heimilinu þessa helgina. Gert er ráð fyrir því að um 250 þátttakendur séu á svæðinu, allstaðar að á landinu. Hér fylgir með mynd sem sýnir umfang mótsins en hún var tekin fyrr í dag.

Vaskar KA konur sátu í KA heimilinu á fimmtudagskvöld og settu gíróseðla í umslög sem síðan verða sendir á alla félagsmenn. Við hvetjum alla félagsmenn að bregðast vel við og greiða sem fyrst enda um gríðarlega mikilvæga fjáröflun fyrir félagið að ræða. Ef þú ert ekki félagsmaður er auðvelt að gerast slíkur, en það getur þú gert rafrænt með því að smella hér.

Við minnum alla KA menn á það að kaffi og kleinur eru í boði í KA - heimilinu alla föstudagsmorgna frá hálf 10. Um að gera að líta við upp í KA - heimili, gæða sér á kleinum og ræða málin!

Það verður enginn smáleikur í kvennaboltanum á föstudaginn þegar KA/Þór tekur á móti stórliði Stjörnunnar í Eimskipsbikar kvenna. Leikurinn hefst klukkan 18:15 í KA heimilinu og ástæða til að hvetja alla til að koma og standa með stelpunum gegn einu öflugasta liði landsins þessa stundina.

Núna um helgina hafa Fannar Hafsteinsson, Ólafur Aron Pétursson og Stefán Hafsteinsson verið boðaðir á úrtaksæfingar. Helgina 23.-24. október fóru Ævar Ingi Jóhannesson og Lára Einarsdóttir einnig á úrtaksæfingar.