Fréttir

Nokkir miðar eru enn til í Arsenalskóla sem fram fer á æfingasvæði KA næsta sumar. Þeir sem áhuga hafa á að tryggja barninu sínu dvöl í skólanum skal bent á að hafa samband við Pétur Ólafsson yfirþjálfara yngri flokka KA í síma 861 2884 eða í netfangið petur@port.is

Jólamót júdódeildar KA var haldið í gær.  Alls tóku 69 krakkar þátt og var þeim skipt eftir getu þannig að sem jafnast yrði í hverjum flokki.  Óhætt er að segja að framtíðin sé björt ef litið er á þau tilþrif sem sáust á mótinu.  Hægt er að skoða myndir frá mótinu hér

KEA hefur endurnýjað styrktarsamninga við Knattspyrnufélag Akureyrar og Íþróttafélagið  Þór. KEA mun áfram verða einn af aðalstyrktaraðilum félaganna en um er að ræða heildarsamninga sem taka til allra deilda félaganna og gilda til eins árs.

Í morgun var síðasta æfingin hjá yngri flokkum fyrir jólafrí og að því tilefni létu jólasveinar sjá sig í Boganum og spiluðu fótbolta með krökkunum sem skemmtu sér frábærlega. Sævar Geir Sigurjónsson ljósmyndari KA mætti á svæðið og tók nóg af myndum.

Heyrst hefur að hressir jólasveinar ætli að mæta á æfingu hjá yngri flokkunum í Boganum á morgun en þetta er síðasta æfingin fyrir jólafrí. Um síðustu jól mættu jólasveinar líka á æfinguna og tóku meira að segja þátt í æfingum og spili með krökkunum sem þótti nú ekki mikið til fótboltahæfileika þeirra gömlu koma.

Byrjendaflokkarnir 7. og 8. flokkur  karla og kvenna eru frá og með deginum í dag komin í jólafrí. Æfingar hefjast þegar skóli hefst á nýju ári, stelpurnar byrja miðvikudaginn 5. janúar og strákarnir föstudaginn 7. janúar. Aðrir flokkar æfa eftir sérstöku æfingaplani sinna þjálfara. Unglingaráð handknattleiksdeildar KA og þjálfarar óska iðkendum og fjölskyldum þeirra gleðilegra jóla.

KA tók á móti Dalvík í æfingaleik í Boganum í gær en þetta var síðasti leikur liðsins á þessu ári. Skemmst er frá því að segja að KA vann tiltölulega auðveldan 5-0 sigur.

Úrslit eru ráðin í fyrstu getraunakeppni KA-Getrauna á þessu tímabili. Gylfi Hans Gylfason varð hlutskarpastur að þessu sinni og hlýtur hann vegleg verðlaun í boði fyrirtækja á svæðinu fyrir vikið.

Mikil aðsókn hefur verið í knattspyrnuskóla Arsenal sem haldinn verður á KA-svæðinu næsta sumar, dagana 13.-17. júní. Sala á miðum hófst 4. desember sl. og hafa biðraðir myndast við KA-heimilið og rjúka miðarnir út, en takmarkaður fjöldi krakka kemst að í skólanum.

Þeir Jón Heiðar Magnússon, Ívar Guðlaugur Ívarsson og Víkingur Hauksson skrifuðu allir undir tveggja ára samning við KA í dag. Allir þessir leikmenn eru örfættir og munum við sjá þá leika listir sínar á vinstri kantinum í vetur og næsta sumar.