Fréttir

Tekin hefur verið ákvörðun að fjarlægja athugasemdakerfi af forsíðu ka-sport.is. Það þýðir ekki að lokað hefur verið alfarið fyrir athugasemdir á síðunni. Sem stendur eru undirsíður knattspyrnudeildar og blakdeildarinnar með opið fyrir athugasemdir og verður það þannig áfram.

Uppfært: Samkvæmt nýjustu fréttum hefur Guðjón Þórðarson tekið við BÍ/Bolungarvík eftir að hafa átt í viðræðum við KA. Eins og við greindum frá í gær voru viðræður við Guðjón um helgina og var honum gefið tilboð í gærkvöldi sem hann ákvað svo að hafna í morgun.

Föstudaginn 8. október verður haldinn foreldrafundur í KA heimilinu vegna 4. flokks kvenna. Fundurinn er settur á  klukkan 17:00 Farið verður yfir ferðatilhögun vetrarins, mótafyrirkomulag og önnur málefni.  Foreldrar sem ekki sjá sér fært að mæta eru vinsamlegast beðnir um að hafa samband við Stefán í síma 868-2396 eða senda tölvupóst á stebbigje@simnet.is Kv. Kara og Stefán 

KA dagurinn var í gær en með honum fer vetrarstarf félagsins formlega af stað. Þar gafst foreldrum tækifæri á að gera upp æfingargjöld, kaupa búninga o.fl. auk þess að gæða sér á vöflum. Fjöldi fólks lagði leið sína í KA - heimilið en það var opið fyrir gesti frá 11:30 - 13:30. Við smelltum af nokkrum myndum og þær má sjá hér.

Á morgun, á KA - deginum, verður nýja heilsuræktin í kjallara KA - heimilisins til sýnis en hún verður formlega opnuð 23. október. Í boði er glæsilegur 10 manna pottur, ísbað og gufubað. Ekkert nafn er komið á heilsuræktina og því ætlum við að efna til nafnasamkeppni. Skilafrestur er til 15. október. Tillögur skilast á netfang Gunna Jóns framkvæmdastjóra, gunnij@ka-sport.is. Verðlaun eru árskort í heilsuræktina. Eins og áður kom fram opnar heilsuræktin þann 23. október og þá verður nafnið opinberað.

Þórir Tryggva mætti á leik KA og Þórs sem fram fór fyrir rúmri viku á Akureyrarvelli. Leiknum lauk með tapi, 1 - 4 fyrir Þór... Myndirnar finnur þú með að smella hér.

Foreldrafundur verður haldinn næstkomandi fimmtudag 30. september klukkan 20:00 í KA heimilinu. Vonumst til að sjá sem flesta. Þjálfarar 6. flokks kvenna. Kolbrún Gígja Einarsdóttir S. 8485144   Heimir Sigurðsson S. 6625093

Lokahóf knattspyrnudeildar var haldið s.l. laugardagskvöld á Hótel KEA. Á bilinu 60 - 70 manns komu saman og fögnuðu lokum tímabilsins. Á hófinu var Dean Martin kvaddur, en staðið var upp fyrir honum í tvígang og hann hylltur og honum þannig þakkað fyrir frábært starf í þágu félagsins. Haukur Heiðar Hauksson var kosinn efnilegastur og Sandor Matus bestur. Skemmtinefndin sem skipuð var stóð sig með sérstaklega vel og að öllum öðrum ólöstuðum má segja að Magnús Sigurólason, KA maðurinn mikli, hafi átt kvöldið með fjölmörgum framúrskarandi ræðum.

Stelpurnar í U-17 landsliðinu rúlluðu yfir Ítalíu í síðasta leik sínum í undanriðli Evrópukeppninnar í dag. Leikurinn var hreinn úrslitaleikur um sigur í riðlinum og glæstur 5-1 sigur fleytti liðinu í næsta skref keppninnar. Lára Einarsdóttir kom inná í stöðunni 3-1 og náði þar með sínum öðrum landsleik.

U-17 landslið kvenna lék sinn annan leik í undanriðli Evrópukeppninnr í dag. Andstæðingarnir voru Búlgarar en riðillinn er einmitt leikinn í Búlgaríu. Skemmst er frá að segja að íslensku stelpunum héldu engin bönd og unnu þær glæstan 10-0 sigur. KA-stelpan Lára Einarsdóttir spilaði allan leikinn og skoraði fjórða mark liðsins á 24. mínútu.