Fréttir

Undanfarin tvö sumur hefur KA boðið fótboltakrökkum að taka þátt í Coerver Coaching skólanum á KA-svæðinu og verður engin undantekning á því næsta sumar. Nú þegar líður að jólum þá viljum við benda á að það er frábær jólagjöf fyrir áhugasama fótboltakrakka að fá aðgang í skólann næsta sumar í jólagjöf

Á morgun, miðvikudag, fer fram skemmtilegasta æfing vetrarins þegar 7. og 8. flokkur taka jólaæfinguna sína. Þetta hefur verið frábær hefð í gegnum árin að taka lauflétta æfingu fyrir jól þar sem jólasveinarnir sem komnir eru til byggða kíkja í KA-Heimilið og taka þátt í gleðinni með krökkunum

Knattspyrnuskóli KA hefst á morgun, þriðjudag, en skólinn er haldinn af meistaraflokki KA og er fyrir stráka og stelpur fædd 2005-2012. Óli Stefán Flóventsson þjálfari meistaraflokks setur upp æfingarnar sem eru einstaklingsmiðaðar og stuðla að því að bæta leikmenn í sinni eigin stöðu

Það var erfitt verkefni sem beið KA í dag þegar liðið sótti stórlið Hauka heim í lokaleik liðanna fyrir jólafrí í Olís deildinni. Haukarnir hafa verið á miklu skriði eftir stórsigur KA í leik liðanna fyrr í vetur og eru þeir í harðri toppbaráttu á sama tíma og okkar lið berst fyrir því að halda sæti sínu í deildinni

KA sækir stórlið Hauka heim í lokaleik liðanna fyrir jólafrí í Olís deild karla í handboltanum. Leikurinn hefst klukkan 16:30 og hvetjum við að sjálfsögðu alla sem geta til að mæta á Ásvelli og styðja okkar lið til sigurs. Fyrir ykkur sem ekki komist í Hafnarfjörðinn þá verður Haukar-TV með leikinn í beinni og því um að gera að fylgjast vel með gangi mála

KA lék sinn fyrsta leik á Kjarnafæðismótinu þetta árið í dag er liðið mætti liði Völsungs. Fyrirfram bjuggust margir við þurrum leik enda fyrsti æfingaleikur undirbúningstímabilsins en svo varð svo aldeilis ekki og KA liðið skoraði næstum því að vild í leiknum

Búið er að draga í happadrætti meistaraflokkanna í handbolta. Hægt verður að nálgast vinningana í KA-heimilinu alla næstu viku, frá og með klukkan 13:30 á mánudag til 13:30 á föstudag. Ef það hentar ekki verður auglýst önnur vinningaafhending eftir áramót

Meistaraflokkur KA hefur leik á Kjarnafæðismótinu í knattspyrnu í dag þegar liðið mætir Völsung frá Húsavík í Boganum klukkan 16:15. Það er hinsvegar ekki eini leikur dagsins því KA2 mætir Þór klukkan 14:15 og hvetjum við ykkur eindregið til að mæta og styðja okkar lið í upphafi undirbúningstímabilsins

Meistaraflokkur KA í knattspyrnu býður uppá Knattspyrnuskóla í næstu viku í Boganum fyrir krakka fædda 2005-2012 þar sem höfuðáhersla er á einstaklingsþjálfun. Leikmenn meistaraflokks KA munu í samráði við vel menntaða þjálfara setja upp æfingar sem munu nýtast vel ofan á þær æfingar sem krakkarnir stunda venjulega yfir sumarið og veturinn

Fyrir leik KA og Vals þann 26. nóvember skrifuðu Handknattleiksdeild KA og Nettó undir áframhaldandi samstarf, en Nettó er einn stærsti styrktaraðili deildarinnar. Við hjá handknattleiksdeild KA erum rosalega þakklát fyrir þann stuðning sem Nettó og aðrir samstarfs- og styrktaraðilar veita