Fréttir

Það voru tveir hörkuleikir í Mizunodeildum karla og kvenna í blakinu í dag þegar KA sótti HK heim. Karlalið KA sem var ósigrað fyrir leikinn þurfti að játa sig sigrað í oddahrinu en kvennalið KA gerði sér lítið fyrir og varð fyrsta liðið til að leggja HK að velli

Það ríkti mikil gleði á föstudagsframsögu KA í gærkvöldi þegar knattspyrnudeild KA tilkynnti um komu Almarrs Ormarssonar, Hauks Heiðars Haukssonar, Andra Fannars Stefánssonar og Alexanders Groven. Þá framlengdi Callum Williams samningi sínum við félagið að auki. Tómas Þór Þórðarson hélt svo ansi skemmtilega tölu sem sló í gegn á meðan gestir gæddu sér á úrvalsgrillkjöti

Það er alvöru verkefni sem er framundan hjá blakliðum KA í dag þegar bæði karla- og kvennalið KA sækja HK heim í Fagralund í Kópavogi. Strákarnir ríða á vaðið klukkan 13:00 og stelpurnar taka svo við í kjölfarið klukkan 15:00 og hvetjum við að sjálfsögðu alla sem geta til að mæta og styðja okkar lið

Það var enginn smá liðsstyrkur sem KA barst í dag þegar tilkynnt var um komu þeirra Almarrs Ormarssonar, Hauks Heiðars Haukssonar og Andra Fannars Stefánssonar. Allir eru þeir uppaldir hjá KA og er gríðarlega jákvætt að sjá þá snúa aftur á heimaslóðirnar. Gríðarleg gleði braust út á föstudagsframsögu KA þar sem koma þeirra var tilkynnt

KA barst í dag mikill liðsstyrkur frá Noregi er Alexander Groven skrifaði undir tveggja ára samning við félagið. Alexander er 26 ára örvfættur bakvörður og hefur mikla reynslu af fótbolta á háu stigi en hann hefur leikið 93 leiki í efstu deild í Noregi og gert í þeim þrjú mörk

Þær gleðifregnir voru tilkynntar á föstudagsframsögu dagsins að Callum Williams hefði framlengt samningi sínum við KA um eitt ár. Callum sem er 27 ára gamall miðvörður hefur leikið með KA frá árinu 2015. Hann hefur spilað 79 leiki fyrir félagið og gert í þeim alls þrjú mörk

KA sótti lið Völsungs heim í Mizunodeild kvenna í blaki í gærkvöldi en liðin mættust nýverið í KA-Heimilinu þar sem KA fór með 3-0 sigur af hólmi. Það var þó ljóst að verkefni kvöldsins yrði ekki auðvelt en í lið KA vantaði þær Huldu Elmu Eysteinsdóttur og Birnu Baldursdóttur sem leika stórt hlutverk í liðinu

Það verður skemmtilegt í hádeginu í KA-Heimilinu á sunnudaginn þegar við höldum grautardaginn. Þá bjóðum við félagsmönnum upp á mjólkurgraut og slátur auk þess sem deildir félagsins verða með ýmsan varning til sölu

Fimleikafélagið hefur til fjölda ára boðið upp á krílaleikfimi á laugardögum.Næstkomandi laugardag 1.desember verður boðið upp á opinn tíma fyrir börn á aldrinum 3-5 ára.

Taktíkin er áhugaverður þáttur á N4 þar sem Skúli Bragi Magnússon kynnir sér íþróttalífið á Akureyri og í nágrenni bæjarins. Óli Stefán Flóventsson sem tók nýverið við sem þjálfari KA var viðmælandi Skúla í síðasta þætti þar sem hann ræddi hina ýmsu kanta knattspyrnunnar og framhaldið hjá KA