Fréttir

Fótboltinn er farinn að rúlla og náðist frábær árangur í 3. flokki á dögunum en Þór/KA vann fyrstu lotuna í A-deild er stelpurnar unnu sex leiki og gerðu eitt jafntefli. Þær sýndu jafna og góða frammistöðu í lotunni og eru heldur betur sanngjarnir sigurvegarar

Andri Snær Stefánsson hefur tilkynnt stjórn KA/Þórs að hann muni láta staðar nema og hætta þjálfun á liði meistaraflokks félagsins. Andri Snær hefur stýrt meistaraflokki KA/Þórs undanfarin þrjú tímabil og má með sanni segja að sá kafli hafi verið heldur betur blómlegur og voru stór skref stigin fram á við

Við óskum þeim KA félögum sem eiga stórafmæli í maí innilega til hamingju.

Sem kunnugt er mun knattspyrnulið KA í meistaraflokki karla taka þátt í forkeppni Sambandsdeildar UEFA í sumar. Er þetta í fyrsta skipti í 20 ár sem liðið tekur þátt í Evrópukeppni en tvívegis áður hefur KA tekið þátt, árin 1990 og 2003. Í bæði skiptin spilaði KA heimaleiki sína á heimavelli sínum, Akureyrarvelli

KA og Afturelding mætast í fyrsta leiknum í úrslitaeinvíginu um Íslandsmeistaratitilinn í blaki kvenna í KA-Heimilinu í kvöld klukkan 20:00. Vinna þarf þrjá leiki til að hampa titlinum og ljóst að gríðarlega mikilvægt er að byrja einvígið á sigri

Kristján Gunnþórsson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2024-2025. Kristján sem er 19 ára gamall sýndi frábæra takta í vetur en þessi örvhenti kappi getur bæði leikið í skyttu og horni

Aðalfundur Fimleikafélags Akureyrar fer fram þriðjudaginn 16. maí kl. 20:00 í matsal Giljaskóla. Við hvetjum foreldra, forráðamenn, þjálfara og aðra áhugasama sem láta málefni félagsins sig varða til þess að mæta á fundinn. Óskum eftir framboðum í stjórn FIMAK. Vinsamlegast sendið póst um framboð á skrifstofa@fimak.is Efni fundarins: 1. Fundarsetning og ávarp formanns. 2. Kjör fundarstjóra og fundarritara. 3. Staðfest lögmæti fundarins. 4. Fundargerð síðasta aðalfundar lögð fram 5. Skýrsla aðalstjórnar, framkvæmdarstjóra og nefnda. 6. Reikningar félagsins. 7. Umræður um skýrslur. 8. Reikningar bornir undir atkvæði. 9. Lagabreytingar. 10. Kosning formanns. 11. Kosning stjórnarmanna og 2 varamanna. 12. Kosning tveggja skoðunarmanna reikninga fyrir næsta starfsár 13. Ákvörðun styrktarfélagsgjalda 14. Önnur mál. Stjórn FIMAK

Ísak Óli Eggertsson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2024-2025. Ísak Óli sem er 18 ára gamall er afar spennandi leikmaður sem hefur unnið sig inn í stærra hlutverk í meistaraflokk og tók þátt í 13 leikjum í vetur

Magnús Dagur Jónatansson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2024-2025. Magnús sem er enn aðeins 16 ára gamall hefur þrátt fyrir ungan aldur tekið sín fyrstu skref í meistaraflokki og tók þátt í þremur leikjum á nýliðnum vetri

Nú á dögunum gerði Fimleikafélag Akureyrar og SBA samstarfssamning sín á milli. Svona stuðningur er ómetanlegur og nauðsynlegur til að halda uppi öflugu barna- og unglinga starfi. Við hjá FIMAK erum gríðarlega þakklát fyrir stuðninginn frá SBA og þökkum þeim kærlega fyrir stuðninginn.