Fréttir

Á morgun taka KA menn á móti Grindvíkingum í 11. umferð 1. deildar á Akureyrarvelli. Leikurinn hefst kl. 18 en kl. 17.15 fírum við í grillunum og bjóðum upp á glóðarsteikta hamborgara og kók á vægu verði. Einnig munum við selja hina víðfrægu KA trefla sem hafa svo sannarlega slegið í gegn. Við verðum vestan við stúkubygginguna. Sjáumst á morgun gul og glöð!

Í kvöld vann KA gríðarlega góðan útisigur á Þrótturum 1-0. Það var Ivan Dragicevic sem skoraði eina mark leiksins á 21. mínútu eftir hornspyrnu frá Hallgrími Mar. Leikurinn í kvöld fer seint í sögubækurnar fyrir áferða fallegan fótbolta en afar mikilvæg stig í hús hjá liðinu á erfiðum útivelli. KA liðið hefur fengið 10 stig af 12 í fjórum síðustu leikjum og hefur liðið haldið hreinu í þremur af þessum fjórum leikjum. 

Í gær þann 11. júlí afhenti Hrefna G. Torfadóttir, formaður KA, Alfreð Gíslasyni skjal til staðfestingar á ákvörðun aðalstjórnar KA að gera hann að heiðursfélaga KA. Þessi afhending fór fram við athöfn sem Íþróttaráð Akureyrar hélt í Hofi. Þar afhenti einnig Tryggvi Gunnarsson, formaður Íþróttaráðs, Alfreð heiðurviðurkenningu Afrekssjóðs og Íþróttaráðs Akureyrar og Einar Þorvarðarson, framkvæmdastjóri HSÍ sæmdi Alfreð gullmerki Handknattleikssambands Íslands.

Á morgun fer liðið suður yfir heiðar og sækir Þróttara heim í 10. umferð 1.deildar karla. Leikurinn verður flautaður á kl. 19.15. Um er að ræða fyrsta heimaleik Þróttara undir stjórn Zoran Miljkovic sem tók við stjórnartaumunum hjá liðinu á dögunum. Liðin eru á svipuðum stað í deildinni. Þróttarar sitja í 11. sæti með 8 stig en KA er í því áttunda með 11 stig.

Okkar menn unnu í kvöld góðan 2-0 sigur á nágrönnum okkar frá Húsavík. Ekkert mark var skorað í fyrri hálfleik en í þeim síðari skoraði KA tvö mörk og hefðu þau hæglega getað verið fleiri. Gunnar Valur hélt upp á endurkomu sína í byrjunarlið KA eftir að hafa verið að stíga upp úr erfiðum meiðslum með því skora fyrsta mark KA í leiknum. Carsten Pedersen bætti svo við öðru marki á 75. mínútu. Gestirnir frá Húsavík fengu síðan vítaspyrnu í seinni hálfleik í stöðunni 1-0 fyrir KA sem Sandor Matus varði glæsilega. Lokatölur leiksins því 2-0 KA í vil sem með sigrinum eru komnir upp í 11 stig og á fleygiferð upp töfluna.

Allt starfsfólk FIMAK er nú í sumarfríi og verður skrifstofa félagsins lokuð þangað til 6.ágúst næstkomandi.

Okkur langar að benda fólki á sýningu sem fram fer í kvöld fimmtudaginn 4.júlí kl.19.00 og föstudaginn 5.júlí kl.10.00 hér í íþróttamiðstöðinni við Giljaskóla.Danskur hópur sem nefnir sig Cirkus Flik Flak samanstendur af börnum og unglingum og hafa þau tvisvar áður komið til Íslands til að sýna við góðan orðstýr.

N1-mót KA 2013 hófst í dag en fyrstu leikir verða flautaðir á eftir örfáar mínútur. Að þessu sinni eru um 1400 metnaðarfullir fótboltastrákar skráðir til leiks með sínum félögum en í ár verður leikið á tólf völlum og í fyrsta sinn á stórglæsilegum gervigrasvelli – þeim nýjasta á landinu. Það má því með sanni segja að næstu dagana verði boðið upp á algjöra fótboltaveislu á KA-svæðinu. Allar upplýsingar um mótið má finna á heimasíðu mótsins með því að smella hér. Góða skemmtun!

Þá er komið að 9. umferð 1.deildarinnar og er það heimaleikur gegn nágrönnum okkar frá Húsavík sem bíður okkar á morgun. Leikurinn mun hefjast á slaginu klukkan 19.15 og verður það Halldór Breiðfjörð Jóhannsson sem mun sjá til þess að leikurinn fari prúðmannlega fram. Fyrir leikinn á morgun situr Völsungur á botni deildarinnar með 2 stig en KA í því níunda með 8 stig og ljóst um er að ræða hörkuleik þar sem ekkert verður gefið eftir.

Í dag, við upphaf N1-mótsins, mættu á svæðið fulltrúar frá Vífilfelli í þeim tilgangi að undirrita styrktarsamning við KA sem gildir til næstu 3 ára. Með þessum samningi er Vífilfell orðið einn allra stærsti styrktaraðilli félagsins.