Fréttir

Eins og flestum er kunnugt um tekur Þór/KA þátt í Meistaradeild Evrópu í ár. Liðið ávann sér sæti í deildinni með því að verða Íslandsmeistarar 2012. Liðið dróst gegn Rússneska liðinu Zorkiy í 32 liða úrslitum og fer fyrri leikurinn fram á Þórsvelli miðvikudaginn 9. október klukkan 16:00. Síðari leikur liðanna fer fram ytra viku síðar.

Kröfur fyrir fyrsta hluta æfingagjalda annarinnar eru nú orðnar sýnilegar í netbnaka greiðenda, við biðjumst velvirðingar á hversu seint þær koma inn, en vandræðagangur með innheimtukerfi félagsins skýrir þessa töf.

Það er komið að öðrum heimaleik Akureyrar Handboltafélags í Olís-deildinni. Að þessu sinni eru það nýliðarnir í deildinni, Vestmannaeyingar sem mæta til leiks eftir fimm ára fjarveru úr efstu deild. Leiktíminn og dagurinn er óvenjulegur að þessu sinni og því skal ítrekað að leikurinn hefst klukkan 13:30 eða hálftvö á laugardaginn.Ástæðan er sú að Eyjamenn þurfa að komast heim áður en flugvöllurinn í Eyjum lokar.

Helgina 5.-6. október nk. verður haldið unglingamót TB-KA Mótið verður haldið í Íþróttahúsi KA, Dalsbraut 1, 600 Akureyri, keppni hefst kl. 10:00 á laugardeginum og kl. 09:00 á sunnudeginum. Keppt verður í undanúrslitum á laugardeginum. Keppt verður í fjórum flokkum:U-13: Hnokkar/Tátur U-15: Sveinar/Meyjar U-17: Drengir/Telpur U-19: Piltar/Stúlkur

Gunnar Níelsson formaður knattspyrnudeildar KA segir að gervigras á knattspyrnuvelli á Norðurlandi sé eina vitið í viðtali við Norðursport.

Fannar Hafsteinsson og Ævar Ingi Jóhannesson hafa verið valdir í lið Íslands sem mun leika í undankeppni EM U19 í Belgíu 8.-16. október. Ásamt heimamönnum mæta þeir Frökkum og Norður Írum.

Innheimtukerfi FIMAK er bilað sem stendur og er unnið að viðgerð.Af þessum sökum seinkar okkur með að senda inn kröfur fyrir fyrsta hluta æfingagjalda vetrarins.Við biðjumst afsökunar á þessum töfum.

Söluaðili frá Arena dansverslun verður með sölu á fimleikafatnaði fimmtudaginn 3.okt og föstudaginn 4.okt milli kl.15.00-18.00.

Nú þegar 2. umferð Olís-deildar kvenna er lokið hafa tveir miðlar, sport.is og handbolti.org valið þá leikmenn sem taldir eru hafa skarað fram úr í umferðinni. Þessir miðlar eru ótrúlega samhljóma að þessu sinni en eina ósamræmið á milli þeirra er val á markverði umferðarinnar. KA/Þór á sína fulltrúa í valinu, Martha Hermannsdóttir er hjá báðum aðilum valin besta vinstri skyttan og Sunna Guðrún Pétursdóttir er markvörður umferðarinnar hjá handbolti.org. Við óskum þeim báðum svo og öðrum leikmönnum til hamingju með frammistöðuna.

Foreldrafundur verður haldinn á þriðjudaginn, þann 1. október kl: 19:30 í KA heimilinu. Örstutt kynning á starfi vetrarins, mótum framundan ofl. Fyrsta mót vetrarins verður síðan um helgina 5.-6. október.Mótið hefst kl. 10:00 á laugardeginum og kl. 9:00 á sunnudeginum.