Fréttir

Leik KA/Þór í meistaraflokki í handbolta sem átti að vera á laugardaginn hefur verið frestað vegna veðurútlits um helgina. Liðið hefur farið vel af stað í 2. deildinni og unnið alla sína þrjá leiki og eru úrslitin eftirfarandi: KA/Þór - HK 26-10 (11-6) Haukar - KA/Þór 14-28 (6-15) ÍR - KA/Þór 27-32 (14-12) Á sunnudaginn voru einnig fyrirhugaðir tveir leikir í kvennahandboltanum hjá KA /Þór gegn ÍR, annar í 4. fl. og hinn í 3. fl. Þessum leikjum hefur sömuleiðis verið frestað vegna óveðursins sem geysar um allt land.

Allar æfingar í yngri flokkum í handbolta og júdóæfingar hjá Draupni falla niður í KA-heimilinu í dag vegna veðurs og ófærðar!

Allar æfingar félagsins falla niður í dag föstudag og laugardag vegna veðurs.

Þar sem FSÍ mótinu var frestað verða æfingar hjá félaginu skv.stundaskrá á morgun föstudag og laugardag.Hjá laugardagshópunum verður foreldratími, þar sem foreldrum er boðið að taka þátt á æfingunni með börnunum.

Þið foreldrar og velunnarar FIMAK sem ætluðuð að vinna á mótinu um helgina fáið víst frí þar sem mótinu hefur verið frestað vegna veðurs.Það er von okkar að þið og fleiri til geti aðstoðað okkur þegar að ný dagsetning verður gefin út.

Stjórn Fimleikasambandsins hefur ákveðið að fresta haustmóti áhalda II um óákveðin tíma vegna veðurspá.Við höfum rætt við Veðurstofuna, Vegagerðina og rútufyrirtæki til að fá álit fagaðila og er það samdóma álit allra að ekkert ferðaveður er á morgun föstudag, en eins og sagt er á vef veðurstofu Íslands \"Norðanillviðri á landinu fram á laugardagskvöld, en fer síðan batnandi\".

Getraunastarf KA hefst aftur á laugardaginn næsta. Leiknir verða tveir hópleikir, fyrir og eftir áramót. Samstarfsaðilar okkar verða að venju fjölmargir og verðlaunin glæsileg.

Jakob Hafsteinsson hefur framlengt samning sinn við KA um tvö ár og gildir nýi samningurinn til ársloka 2014.

Mikið var um dýrðir í KA-heimilinu síðastliðinn laugardag en þar hélt 2.flokkur sitt lokahóf með veglegri grillveislu og skemmtiatriðum einnig voru veitt alls kyns verðlaun fyrir sumarið.

KA hefur gert nýjan samning út næsta keppnistímabil við enska bakvörðinn Darren Lough, en hann spilaði með KA á liðnu sumri og var einn af sterkari mönnum liðsins.