Fréttir

Gervigrasvöllur skal vera tilbúinn á KA-svæðinu - milli Lundarskóla og KA-heimilisins - eigi síðar en í maí á næsta ári. Þetta kemur meðal annars fram í uppbyggingar- og framkvæmdasamningi Akureyrarbæjar og KA, sem Eiríkur Björn Björgvinsson, bæjarstjóri á Akureyri, og Hrefna G. Torfadóttir, formaður KA, undirrituðu í dag.

Verið er að vinna að því að setja saman stóran og flottan KA viðburð 12. janúar 2013. KA verður 85 ára 8. janúar 2013 og í tilefni þess ætlar KA að halda veglega hátíð. Veislan verður í anda 80 ára afmælis félagsins en þeir sem þar voru muna vel hve vel til tókst, enda ógleymanleg stund.

Við getum enn bætt við okkur sjálfboðaliðum til að aðstoða okkur við framkvæmd haustmótsins í áhaldafimleikum sem fram fer helgina 17.-18.nóvember.Það vantar til dæmis ritara (þurfa að vera talnaglöggir), einstaklinga á vaktir í Glerárskóla og aðstoðarfólk við að umraða í salnum bæði seinnipart á föstudag og svo að móti loknu á sunnudag.

Að gefnu tilefni viljum við brýna fyrir iðkendum okkar að láta starfsfólk íþróttamiðstöðvarinnar geyma síma, skartgripi og fleiri verðmæti í afgreiðslunni.Því miður hefur borið á því að slíkir hlutir og fatnaður sé að hverfa úr búningsklefunum.

Srdjan Tufegdzic (Túfa) hefur verið ráðinn aðstoðarþjálfari mfl. KA í knattspyrnu og verður hann því hægri hönd Bjarna Jóhannssonar við stjórnun meistaraflokks í þeim átökum sem framundan eru í vetur og næsta sumar. Túfa hefur nú þegar hafið störf.

Þjálfarar U19 landsliðanna í blaki hafa nú valið í liðin sem halda til Kristiansand í Noregi í 15. nóvember n.k. til þátttöku í Norðurlandamóti. Tólf stúlkur og tólf drengir eru í liðunum og þar af á Blakdeild KA 9 fulltrúa – 5 drengi og 4 stúlkur. Þjálfarar liðanna eru Filip Szewczyk sem er með drengjaliðið og Emil Gunnarsson sem er með stúlkurnar. Þess má geta að Filip er þjálfari hjá KA.

Knattspyrnudeild KA leitar að íbúð á leigu - helst á Brekkunni - frá áramótum. Þurfum þriggja eða fjögurra herbergja íbúð. Vinsamlegast hafið samband við Óskar Þór  Halldórsson (oskar@ka-sport.is - 773 3009) eða Gunnar Níelsson (gunninella@ka-sport.is - 860 6751) ef þið hafið íbúð til leigu að kynnuð að vita af einni slíkri.

Leik KA/Þór í meistaraflokki í handbolta sem átti að vera á laugardaginn hefur verið frestað vegna veðurútlits um helgina. Liðið hefur farið vel af stað í 2. deildinni og unnið alla sína þrjá leiki og eru úrslitin eftirfarandi: KA/Þór - HK 26-10 (11-6) Haukar - KA/Þór 14-28 (6-15) ÍR - KA/Þór 27-32 (14-12) Á sunnudaginn voru einnig fyrirhugaðir tveir leikir í kvennahandboltanum hjá KA /Þór gegn ÍR, annar í 4. fl. og hinn í 3. fl. Þessum leikjum hefur sömuleiðis verið frestað vegna óveðursins sem geysar um allt land.

Allar æfingar í yngri flokkum í handbolta og júdóæfingar hjá Draupni falla niður í KA-heimilinu í dag vegna veðurs og ófærðar!

Allar æfingar félagsins falla niður í dag föstudag og laugardag vegna veðurs.